പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​ക്ക് അ​ശ്ലീ​ല സ​ന്ദേ​ശം; കോഴിക്കോട്ട് ഡോ​ക്ട​റെ ബിച്ചിൽ നിന്നും പിടികൂടി പോലീസിൽ ഏൽപ്പിച്ച്‌ ബന്ധുക്കളും നാട്ടുകാരും

കോ​ഴി​ക്കോ​ട്: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​ക്ക് അ​ശ്ലീ​ല സ​ന്ദേ​ശം അ​യ​ച്ച സം​ഭ​വ​ത്തി​ൽ ഡോ​ക്ട​ർ പി​ടി​യി​ൽ. ക​ണ്ണൂ​ർ സ്വ​ദേ​ശി അ​ല​ൻ അ​ല​ക്സിനെയാണ് നാട്ടുകാരും ബന്ധുക്കളും ചേർന്ന് പിടികൂടി പൊലീസിൽ ഏൽപ്പിച്ചത്. പോ​ക്സോ വ​കു​പ്പ് പ്ര​കാ​രമാണ് കേ​സ് രജിസ്റ്റർ ചെയ്തിരിക്കുന്നത്.

സ​മൂ​ഹമാ​ദ്ധ്യമം വഴിയാണ് ഇയാൾ കാക്കൂർ സ്വദേശിയായ പെ​ൺ​കു​ട്ടി​യെ പരിചയപ്പെടുന്നത്. പിന്നാലെ ഇ​യാ​ൾ നി​ര​ന്ത​രം അ​ശ്ലീ​ല സ​ന്ദേ​ശം അ​യ​ച്ചു​വെ​ന്നാ​ണ് പ​രാ​തി. ഇ​തോ​ടെ പെ​ൺ​കു​ട്ടി ബ​ന്ധു​ക്ക​ളെ വിവരം അ​റി​ക്കുകയായിരുന്നു.

കഴിഞ്ഞ ദിവസം ബ​ന്ധു​ക്ക​ളുടെ നിർദ്ദേശപ്രകാരം പെ​ൺ​കു​ട്ടി ഡോക്ടറെ കോ​ഴി​ക്കോ​ട് ബീ​ച്ചി​ലേ​ക്ക് വിളിച്ച് വരുത്തി. കാ​റി​ൽ ബീ​ച്ചി​ൽ എ​ത്തി​യ ഇ​യാ​ൾ പെ​ൺ​കു​ട്ടി​യെ വാ​ഹ​ന​ത്തി​ൽ ക​യ​റ്റാ​ൻ ശ്ര​മി​ക്കു​ന്ന​തി​നി​ടെ ബ​ന്ധു​ക്ക​ളും നാ​ട്ടു​കാ​രും ചേ​ർ​ന്ന് ത​ട​ഞ്ഞു​ നിർത്തി പൊലീസിനെ വിളിക്കുകയായിരുന്നു. പൊലീസ് സ്ഥലത്തെത്തി കസ്റ്റഡിയിലെടുത്ത് അറസ്റ്റ് രേഖപ്പെടുത്തി.