സര്‍ സി.പി.യുടെയും ബ്രിട്ടീഷുകാരുടെയും ശൈലിയാണ് പിണറായി പിന്തുടരുന്നത്: കുഞ്ഞാലിക്കുട്ടി

കൊച്ചി: സര്‍ സി.പി.യുടെയും ബ്രിട്ടീഷുകാരുടെയും ശൈലിയാണ് പിണറായി പിന്തുടരുന്നത്. നിരപരാധിയെ തല്ലിക്കൊന്നിട്ടും ഭരിക്കുന്നവര്‍ കൊല്ലപ്പെട്ടയാളുടെ വീട്ടിലേക്ക് തിരിഞ്ഞുനോക്കിയില്ല. പിണറായി ഭരണം ജനങ്ങള്‍ക്ക് ദ്രോഹമായി മാറിയെന്നും പി.കെ. കുഞ്ഞാലിക്കുട്ടി എം.പി. വരാപ്പുഴയിലെ ശ്രീജിത്തിന്റെ കസ്റ്റഡിമരണത്തില്‍ സി.ബി.ഐ. അന്വേഷണം ആവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തല മറൈന്‍ഡ്രൈവില്‍ നടത്തിവന്ന 24 മണിക്കൂര്‍ ഉപവാസ സമരത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേരളം കണ്ട ഏറ്റവും കഴിവുകെട്ട മുഖ്യമന്ത്രിയാണ് പിണറായി വിജയനെന്നും കുഞ്ഞാലിക്കുട്ടി കൂട്ടിചേര്‍ത്തു.

പിണറായിക്ക് യാത്രക്കാരെ ബന്ദിയാക്കി വിമാനം റാഞ്ചുന്നവരെ ആരാധിക്കുന്ന സ്റ്റോക് ഹോം സിന്‍ഡ്രോം ബാധിച്ചിരിക്കുകയാണെന്നായിരുന്നു രമേശ് ചെന്നിത്തലയുടെ ആരോപണം. ശ്രീജിത്തിനെ കുടുക്കാന്‍ ശ്രമിച്ചതില്‍ സി.പി.എം. ജില്ലാസെക്രട്ടറി പി. രാജീവ് അടക്കമുള്ളവരുടെ പങ്ക് അന്വേഷിക്കണം. കസ്റ്റഡിമരണത്തിന്റെ ഉത്തരവാദിത്വം ഏറ്റെടുത്താണ് കെ. കരുണാകരന്‍ മുഖ്യമന്ത്രിസ്ഥാനം രാജി വെച്ചതെന്ന് പിണറായി ഓര്‍ക്കണം. ഈ കേസിലാണ് ജയറാം പടിക്കല്‍ ജയിലില്‍ കിടന്നതെന്ന് എ.വി. ജോര്‍ജും ചിന്തിക്കണം. ഭ്രാന്തുപിടിച്ച പോലീസിനെ നിലയ്ക്കുനിര്‍ത്താന്‍ യു.ഡി.എഫ്. മുന്നിട്ടിറങ്ങുമെന്നും ചെന്നിത്തല പറഞ്ഞു.

ശ്രീജിത്തിന്റെ മരണത്തില്‍ കേരളത്തിലെ സാംസ്‌കാരിക നായകരുടെ നാവ് താഴ്ന്നുപോയതായി എന്‍.കെ. പ്രേമചന്ദ്രന്‍ എം.പി. പറഞ്ഞു. സര്‍ക്കാര്‍ ഒത്താശയോടെ ഒരു കൊലപാതകം നടന്നിട്ടും സാംസ്‌കാരിക നായകര്‍ക്ക് ഉരിയാട്ടമില്ലെന്ന് അദ്ദേഹം കുറ്റപ്പെടുത്തി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *