ഒന്‍പതാം തവണയും കോപ്പ അമേരിക്ക ഫുട്ബോള്‍ കിരീടം സ്വന്തമാക്കി ബ്രസീല്‍
July 8, 2019
ഒന്‍പതാം തവണയും കോപ്പ അമേരിക്ക ഫുട്ബോള്‍ കിരീടം സ്വന്തമാക്കി ബ്രസീല്‍. മാറക്കാന സ്റ്റേഡിയത്തില്‍ പൊരുതിനിന്ന പെറുവിനെ ഒന്നിനെതിരെ മൂന്നു ഗോളുകള്‍ക്ക് തകര്‍ത്താണ് ആതിഥേയരായ ബ്രസീല്‍ കിരീടത്തില്‍ മുത്തമിട്ടത്. ഒന്നാം പകുതിയില്‍ 2-1 എന്ന സ്കോറില്‍ മുന്നിലായിരുന്നു ബ്രസീല്‍.എവര്‍ട്ടന്‍ (15), ഗബ്രിയേല്‍ ജെസ്യൂസ് (45+3), റിച്ചാര്‍ലിസന്‍ (90, പെനല്‍റ്റി) എന്നിവരാണ് ബ്രസീലിന്റെ ഗോളുകള്‍ നേടിയത്.
ക്യാപ്റ്റന്‍ പൗലോ ഗ്യുറെയ്റോയുടെ വകയായിരുന്നു പെറുവിന് ആശ്വാസഗോള്‍ ലഭിച്ചത്. 44-ാം മിനിറ്റില്‍ ഗ്യുറെയ്റോ പെനല്‍റ്റിയില്‍നിന്നാണ് ഈ ഗോള്‍ നേടിയത്.
