മലപ്പുറം എടക്കരയില് വീട്ടുജോലിക്കാരിയായ യുവതിയെ ലൈംഗീകമായി പീഡിപ്പിച്ച കേസില് വീട്ടുടമയായ യുവതി ഉള്പ്പെടെ മൂന്ന് പേര് അറസ്റ്റില്
February 20, 2020എടക്കര: മലപ്പുറം ജില്ലയിലെ എടക്കരയില് വീട്ടുജോലിക്കാരിയായ യുവതിയെ ലൈംഗീകമായി പീഡിപ്പിച്ച കേസില് വീട്ടുടമയായ യുവതി ഉള്പ്പെടെ മൂന്ന് പേര് അറസ്റ്റില്.
എടക്കര തമ്പുരാൻകുന്നു സരോവരം വീട്ടില് ബിന്സ (31), എടക്കര കാക്കപ്പരത എരഞ്ഞിക്കല് ശമീര് (21), ചുള്ളിയോട് പറമ്പിൽ മുഹമ്മദ് ഷാന് (24) എന്നിവരെയാണ് എടക്കര പൊലീസ് ഇന്സ്പെക്ടര് മനോജ് പറയറ്റയും സംഘവും അറസ്റ്റ് ചെയ്തത്. മൂന്നുവയസ്സുള്ള കുട്ടിയെ പരിചരിക്കാന് കഴിഞ്ഞ ജനുവരി 20നാണ് യുവതി എത്തിയത്.
പ്രതിമാസം 8000 രൂപ സാലറി നല്കാമെന്ന വ്യവസ്ഥയിലായിരുന്നു ജോലി. എന്നാല്, ബിന്സ വീട്ടില് നിന്നും പുറത്തുപോകുന്ന സമയത്തു വാതില് പുറമെ നിന്ന് പൂട്ടുകയായിരുന്നു പതിവ്. ഇതിനകം തന്നെ വീട്ടിലെത്തുന്ന പലര്ക്കും യുവതിയെ കാഴ്ചവെച്ചു. എറണാകുളത്തെ ലോഡ്ജ് മുറിയില് കൊണ്ടുപോയും പലര്ക്കും യുവതിയെ കാഴ്ചവെച്ചു. സഹോദരന്റെ കുട്ടിയുടെ ജന്മദിനം പ്രമാണിച്ച് വീട്ടിലെത്തിയപ്പോഴാണ് യുവതി പീഡനത്തിനിരയായ വിവരം അറിയിച്ചതും തുടര്ന്ന് പൊലീസില് പരാതി നല്കിയതും. അറസ്റ്റിലായ പ്രതികളെ കോടതിയില് ഹാജരാക്കി.