തൃശൂരില് ആറ് പഞ്ചായത്തുകളില് നിരോധനാജ്ഞ
June 9, 2020തൃശൂര്: കോവിഡ് രോഗികളുടെ എണ്ണം കൂടിയ സാഹചര്യത്തില് ജില്ലയിലെ ആറ് പഞ്ചായത്തുകളില് നിരോധനാജ്ഞ പ്രഖ്യാപിച്ചു. അവണൂര്, അടാട്ട്, ചേര്പ്പ്, പൊറത്തിശേരി, വടക്കേക്കാട്, തൃക്കൂര് പഞ്ചായത്തുകളിലാണ് കണ്ടെയ്മന്റ് മേഖലകളായി തിരിച്ച് ജില്ല കലക്ടര് നിരോധനാജ്ഞ പ്രഖ്യാപിച്ചത്. ജില്ലയില് സമ്പർക്കത്തിലൂടെ രോഗം ബാധിക്കുന്നവരുടെ എണ്ണം കൂടുന്ന സാഹചര്യത്തിലും ആരോഗ്യ പ്രവര്ത്തകര്ക്കടക്കം രോഗം സ്ഥിരീകരിച്ചതിനാലുമാണ് നിരോധനാജ്ഞ പ്രഖ്യാപിച്ചത്. അടിയന്തരാവശ്യങ്ങള്ക്കല്ലാതെ ആളുകളെ പുറത്തിറങ്ങാനോ, പൊതുസ്ഥലങ്ങളില് കൂട്ടം കൂടാനോ അനുവദിക്കില്ല.