ശ്രീനന്ദയ്ക്ക് സ്വാന്തനവുമായി കല്യാണ്‍ ജൂവലേഴ്‌സ്
ടൈപ്പ് വണ്‍ പ്രമേഹം മൂലം ജീവിതം പ്രതിസന്ധിയിലായ പാലക്കാട് മോയന്‍സ് സ്‌കൂളിലെ നാലാം ക്ലാസുകാരി ശ്രീനന്ദയ്ക്ക് സഹായഹസ്തവുമായി കല്യാണ്‍ ജൂവലേഴ്‌സ് ടൈപ്പ് വണ്‍ പ്രമേഹം മൂലം ജീവിതം…
ടൈപ്പ് വണ്‍ പ്രമേഹം മൂലം ജീവിതം പ്രതിസന്ധിയിലായ പാലക്കാട് മോയന്‍സ് സ്‌കൂളിലെ നാലാം ക്ലാസുകാരി ശ്രീനന്ദയ്ക്ക് സഹായഹസ്തവുമായി കല്യാണ്‍ ജൂവലേഴ്‌സ്
ടൈപ്പ് വണ്‍ പ്രമേഹം മൂലം ജീവിതം പ്രതിസന്ധിയിലായ പാലക്കാട് മോയന്‍സ് സ്‌കൂളിലെ നാലാം ക്ലാസുകാരി ശ്രീനന്ദയ്ക്ക് സഹായഹസ്തവുമായി കല്യാണ്‍ ജൂവലേഴ്‌സ്. നാലു വയസ് മുതല്‍ ടൈപ്പ് വണ്‍ പ്രമേഹരോഗിയായ ശ്രീനന്ദയ്ക്ക് ശരീരത്തില്‍ ഇന്‍സുലിന്‍ പമ്പ് ഘടിപ്പിക്കുന്നതിനായി 6 ലക്ഷം രൂപയും അനുബന്ധ പരിചരണത്തിനായി 2 വര്‍ഷത്തേക്ക് പ്രതിമാസം ഇരുപതിനായിരം രൂപ വച്ച് 4,80,000 രൂപയും കല്യാണ്‍ ജൂവലേഴ്‌സ് നല്‍കും.
കല്പാത്തി സ്വദേശി സുരേഷ്‌കുമാറിന്റെയും പ്രമീളയുടെയും മകളാണ് ശ്രീനന്ദ. ദിവസവും 8 നേരം പ്രമേഹത്തിന്റെ അളവ് നോക്കി 4 നേരം ഇന്‍സുലിന്‍ എടുത്താണ് ശ്രീനന്ദ സ്‌കൂളില്‍ പോയിരുന്നത്. ഇന്‍സുലിന്‍ നില ക്രമാതീതമായി താഴുകയും ഉയരുകയും ചെയ്യുന്ന അവസ്ഥയാണ്. പ്രശ്‌നപരിഹാരത്തിനായി ഇന്‍സുലിന്‍ പമ്പ് ഘടിപ്പിക്കുകയാണ് മാര്‍ഗമെന്ന് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഡയബറ്റിക്‌സിലെ വിദഗ്ദ്ധര്‍ നിര്‍ദ്ദേശിച്ചിരുന്നു. മാധ്യമങ്ങള്‍ ശ്രീനന്ദയുടെ അവസ്ഥ പൊതുശ്രദ്ധയില്‍ കൊണ്ടുവന്നതിനെതുടര്‍ന്ന് കല്യാണ്‍ ജൂവലേഴ്‌സ് സഹായഹസ്തവുമായെത്തുകയായിരുന്നു. ശ്രീനന്ദ എന്ന മിടുക്കിക്കുട്ടിയുടെ മുഖത്തെ പുഞ്ചിരി നിലനിര്‍ത്തുന്നതിന് തുണയാകാന്‍ കഴിയുന്നതില്‍ സന്തോഷമുണ്ടെന്ന് കല്യാണ്‍ ജൂവലേഴ്‌സ് മാനേജിംഗ് ഡയറക്ടര്‍ ടി എസ് കല്യാണരാമന്‍ പറഞ്ഞു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
