ശിവ കാർത്തികേയൻ - നയൻ‌താര ജോഡി ചേർന്ന മിസ്റ്റർ ലോക്കൽ ട്രെയിലറെത്തി

ശിവ കാർത്തികേയനും നയൻ‌താരയും വേലൈക്കാരനു ശേഷം ജോഡി ചേരുന്ന മിസ്റ്റർ .ലോക്കൽ എന്ന പുതിയ ചിത്രത്തിന്റെ ട്രെയിലർ പുറത്തിറങ്ങി. റൊമാൻസും കോമഡിയും ആക്ഷനും സെന്റിമെന്റും ചേരുംപടി ചേർത്ത ഒരു എന്റർടൈനറാണെന്ന് ട്രെയിലർ വ്യക്തമാക്കുന്നു . ട്രെയിലർ യു ട്യൂബിൽ കാൽ ലക്ഷം കാഴ്ചക്കാരെ കടന്ന് മുന്നേറുകയാണ്.

ശിവകാർത്തികേയന്റെ 'അമ്മ വേഷം ചെയ്യുന്നത് രാധികയാണ് .റോബോശങ്കർ ,തമ്പി രാമയ്യ ,സതീഷ് ,യോഗി ബാബു എന്നിവരാണ് മറ്റു പ്രധാന അഭിനേതാക്കൾ .യുവ സിനിമാ സംഗീത പ്രേമികളുടെ ഹരമായ ഹിപ് ഹോപ് തമിഴാ സംഗീത സംവിധാനവും ദിനേശ് കുമാർ നൃത്ത സംവിധാനവും നിർവഹിച്ചിരിക്കുന്നു .അനൽ അരസാണ് സ്റ്റണ്ട് മാസ്റ്റർ .ശിവാ മനസിലെ ശക്തി ,ബോസ് എൻട്ര ഭാസ്കർ ,ഒരു കൽ ഒരു കണ്ണാടി തുടങ്ങി ഒട്ടേറെ ജനപ്രിയ സിനിമകൾ സമ്മാനിച്ചിട്ടുള്ള രാജേഷ് എം ആണ് മിസ്റ്റർ .ലോക്കലിന്റെ രചയിതാവും സംവിധായകനും .സ്റ്റുഡിയോ ഗ്രീനിനു വേണ്ടി കെ .ഈ .ജ്ഞാനവേൽ നിർമ്മിച്ച മിസ്റ്റർ .ലോക്കൽ പ്രകാശ് ഫിലിംസ് മെയ് 17 ന് കേരളത്തിൽ റിലീസ് ചെയ്യും.