തൃശൂരില് വന് സ്വര്ണ വേട്ട; 30 കോടിയുടെ സ്വര്ണം പിടിച്ചെടുത്തു
October 16, 2019തൃശൂര്: കസ്റ്റംസ് പ്രിവന്റീവ് ഡിവിഷന് തൃശൂരില് വിവിധയിടങ്ങളില് നടത്തിയ പരിശോധനയില് 121 കിലോ സ്വര്ണാഭരണങ്ങളും കണക്കില്പ്പെടാത്ത രണ്ടുകോടി രൂപയും വിദേശ കറന്സിയും പിടിച്ചെടുത്തു.
ചേര്പ്പ്, വല്ലച്ചിറ മേഖലയിലെ സ്വര്ണ നിര്മാണ കേന്ദ്രങ്ങളില് നടത്തിയ പരിശോധനയിലാണ് അനധികൃതമായി സൂക്ഷിച്ചിരുന്ന സ്വര്ണവും പണവും പിടിച്ചെടുത്തത്.സംഭവവുമായി ബന്ധപ്പെട്ട് 17 പേരെ സംഘം കസ്റ്റഡിയില് എടുത്തിട്ടുണ്ട്.
ജിഎസ്ടി, കേന്ദ്ര എക്സൈസ് വകുപ്പ് ഉദ്യോഗസ്ഥരുമായി ചേര്ന്ന് രാത്രിയിലായിരുന്നു പരിശോധന. പരിശോധനയ്ക്കെത്തിയ ഉദ്യോഗസ്ഥരെ തൊഴിലാളികള് പ്രതിരോധിക്കാന് ശ്രമിച്ചതിനാല് പോലീസ് സഹായത്തോടെയാണ് പരിശോധന പൂര്ത്തിയാക്കിയത്.