സി.പി.എം പ്രവർത്തകർ തമ്മിൽ കത്തികുത്ത്; നാല് പേര്‍ക്ക് പരിക്ക്
കാസർകോട് സി.പി.എം പ്രവർത്തകർ തമ്മിൽ കത്തികുത്ത്. ഇന്നലെ രാത്രി ബേക്കൽ അരവത്ത് നടന്ന സംഘർഷത്തിൽ നാല് പേർക്ക് പരിക്കേറ്റിട്ടുണ്ട്. സി.പി.എം നിയന്ത്രണത്തിലുള്ള ക്ലബുകൾ തമ്മിലുള്ള പ്രശ്നമാണ് കത്തിക്കുത്തിൽ…
കാസർകോട് സി.പി.എം പ്രവർത്തകർ തമ്മിൽ കത്തികുത്ത്. ഇന്നലെ രാത്രി ബേക്കൽ അരവത്ത് നടന്ന സംഘർഷത്തിൽ നാല് പേർക്ക് പരിക്കേറ്റിട്ടുണ്ട്. സി.പി.എം നിയന്ത്രണത്തിലുള്ള ക്ലബുകൾ തമ്മിലുള്ള പ്രശ്നമാണ് കത്തിക്കുത്തിൽ കലാശിച്ചതെന്നാണ് പ്രാഥമിക നിഗമനം. സംഭവസ്ഥലത്ത് പൊലീസ് സുരക്ഷ ശക്തമാക്കിയിട്ടുണ്ട്. കബഡി കളിയുമായി ബന്ധപ്പെട്ട് രണ്ട് ക്ലബ്ബുകള്‍ തമ്മിലുണ്ടായ പ്രശ്നം പാര്‍ട്ടി ഇടപെട്ട് പരിഹരിക്കാന്‍ ശ്രമിച്ചിരുന്നു. എന്നാല്‍ പ്രശ്നം ഒത്തുതീര്‍പ്പാക്കാന്‍ പാര്‍ട്ടിക്ക് കഴിഞ്ഞില്ല. ഇതിന് പിന്നാലെയാണ് ഇന്നലെ സംഘര്‍ഷം നടന്നത്. കുളിക്കാന്‍ എത്തിയ ഒരു സംഘത്തെ സിപിഎം പ്രവര്‍ത്തകരുള്‍പ്പടെയുള്ള 15 ഓളം വരുന്ന മറ്റൊരു സംഘം പതിയിരുന്ന് ആക്രമിക്കുകയായിരുന്നു. മാരകായുധങ്ങള്‍ കൊണ്ടായിരുന്നു ആക്രമണം. നാല് പേര്‍ക്ക് കുത്തേറ്റിട്ടുണ്ട്. സംഘര്‍ഷത്തില്‍ ഗുരുതരമായി പരിക്കേറ്റ ഒരാളെ മംഗളൂരുവിലെ സ്വകാര്യ ആശുപത്രിയിലേക്ക് മാറ്റി. പരിക്കേറ്റ മറ്റ് രണ്ടുപേര്‍ കാസർഗോഡ് ആശുപത്രിയിൽ ആണുള്ളത്.
https://youtu.be/Q7aM3iM4X10
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
