വനിതാ യൂറോ : ഇംഗ്ലണ്ട്‌ ജേതാക്കള്‍
ലണ്ടന്‍: ജര്‍മനിയെ 2-1 നു തോല്‍പ്പിച്ച്‌ ഇംഗ്ലണ്ട്‌ വനിതാ യൂറോ കപ്പ്‌ ഫുട്‌ബോള്‍ ജേതാക്കളായി. വെംബ്ലി സ്‌റ്റേഡിയത്തില്‍ നടന്ന മത്സരം മുഴുവന്‍ സമയത്ത്‌ 1-1 എന്ന നിലയിലായിരുന്നു.…
ലണ്ടന്‍: ജര്‍മനിയെ 2-1 നു തോല്‍പ്പിച്ച്‌ ഇംഗ്ലണ്ട്‌ വനിതാ യൂറോ കപ്പ്‌ ഫുട്‌ബോള്‍ ജേതാക്കളായി. വെംബ്ലി സ്‌റ്റേഡിയത്തില്‍ നടന്ന മത്സരം മുഴുവന്‍ സമയത്ത്‌ 1-1 എന്ന നിലയിലായിരുന്നു. അധിക സമയത്ത്‌ (110-ാം മിനിറ്റില്‍) ഗോളടിച്ച ഷോലെ കെല്ലിയാണ്‌ ഇംഗ്ലീഷ്‌ വനിതകള്‍ക്കു കന്നിക്കിരീടം നേടിക്കൊടുത്തത്‌. 1966 നു ശേഷം രാജ്യാന്തര ഫുട്‌ബോളില്‍ ഇംഗ്ലണ്ടിന്റെ ഏറ്റവും വലിയ നേട്ടവും ഇതാണ്‌. മത്സരത്തിന്റെ രണ്ടാം പകുതിയിലായിരുന്നു ഗോളുകള്‍ വീണത്‌.
62-ാം മിനിറ്റില്‍ പകരക്കാരി എല്ലാ ടൂണെ ഇംഗ്ലണ്ടിനെ മുന്നിലെത്തിച്ചു. പത്തു മിനിറ്റുകള്‍ക്കു ശേഷം ലിന്‌ മാഗുള്‍ ജര്‍മനിയെ ഒപ്പമെത്തിച്ചു.കളിച്ച ആറ്‌ മത്സരങ്ങളും ജയിച്ചാണ്‌ ഇംഗ്ലണ്ട്‌ കിരീടം നേടിയത്‌.
ഗ്രൂപ്പ്‌ എയില്‍നിന്നു മൂന്നു ജയവുമായി ഒന്‍പത്‌ പോയിന്റ്‌ നേടിയ ഇംഗ്ലണ്ട്‌ നോക്കൗട്ടില്‍ സ്‌പെയിനെയും സ്വീഡനെയും തോല്‍പ്പിച്ചു. ഫൈനലില്‍ കാലിടറിയ ജര്‍മനിയും മികച്ച പ്രകടനം കാഴ്‌ചവച്ചു. ഫൈനല്‍ വരെയുള്ള അഞ്ച്‌ മത്സരങ്ങളും അവര്‍ക്കു ജയിക്കാനായി.തന്റെ ശിഷ്യകള്‍ പുതിയ ചരിത്രമെഴുതിയെന്നാണ്‌ ഇംഗ്ലണ്ട്‌ കോച്ച്‌ സാറിന വീഗ്മാന്‍ പ്രതികരിച്ചത്‌. വനിതാ യൂറോ കപ്പില്‍ ഇംഗ്ലണ്ടിന്റെ മൂന്നാം ഫൈനലായിരുന്നു അത്‌.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
