കൊലവിളി മുദ്രാവാക്യം; സംഘപരിവാർ സം​ഘടനകൾക്കെതിരെ കേസ്

പാലക്കാട്: പട്ടാമ്പി കൊപ്പത്ത് സംഘപരിവാർ സംഘടനകൾ നടത്തിയ പ്രതിഷേധ പ്രകടനത്തിൽ കൊലവിളി മുദ്രാവാക്യം വിളിച്ച സംഭവത്തിൽ പൊലീസ് കേസെടുത്തു. യൂത്ത് ലീ​ഗ് പട്ടാമ്പി മണ്ഡലം കമ്മിറ്റി നൽകിയ പരാതിയിലാണ് കൊപ്പം പൊലീസ് കേസെടുത്തത്.

ഇന്നലെ വൈകീട്ടാണ് സംഭവം. പ്രകടനത്തിനിടെ ലീ​ഗ് പ്രവർത്തകർക്കെതിരെ കൊലവിളി നടത്തിയെന്നാണ് പരാതി. യൂത്ത് ലീ​ഗിനും സ്പീക്കർ എഎൻ ഷംസീറിനും എതിരെയാണ് പ്രതിഷേധം സംഘടിപ്പിച്ചത്. പ്രകടനത്തിനിടെ സ്ത്രീത്വത്തെ അപമാനിക്കുന്ന രീതിയിലും പ്രസം​ഗമുണ്ടായതായി റിപ്പോർട്ടുകളുണ്ട്.

മണിപ്പൂർ വിഷയവുമായി ബന്ധപ്പെട്ട് യൂത്ത് ലീ​ഗ് കാഞ്ഞങ്ങാട് നടത്തിയ റാലിയിൽ വിദ്വേഷ മുദ്രാവാക്യം ഉയർന്നിരുന്നു. സംഭവത്തിൽ കേസെടുത്ത പൊലീസ് അഞ്ച് പേരെ അറസ്റ്റും ചെയ്തു.