സോളാര്‍ ലൈംഗിക അതിക്രമ കേസ്; കെ സി വേണുഗോപാലിനും സിബിഐയ്ക്കും ഹൈക്കോടതി നോട്ടീസ്
തിരുവനന്തപുരം: സോളാര്‍ ലൈംഗിക അതിക്രമ കേസില്‍ കോണ്‍ഗ്രസ് നേതാവ് കെ സി വേണുഗോപാലിനും സിബിഐയ്ക്കും ഹൈക്കോടതിയുടെ നോട്ടീസ്. കെ സി വേണുഗോപാലിനെതിരായ കേസന്വേഷണം അവസാനിപ്പിച്ചത് ചോദ്യം ചെയ്ത്…
തിരുവനന്തപുരം: സോളാര്‍ ലൈംഗിക അതിക്രമ കേസില്‍ കോണ്‍ഗ്രസ് നേതാവ് കെ സി വേണുഗോപാലിനും സിബിഐയ്ക്കും ഹൈക്കോടതിയുടെ നോട്ടീസ്.
കെ സി വേണുഗോപാലിനെതിരായ കേസന്വേഷണം അവസാനിപ്പിച്ചത് ചോദ്യം ചെയ്ത് നല്‍കിയ ഹര്‍ജി ഫയൽ സ്വീകരിച്ചാണ് ഹൈക്കോടതി നടപടി. കെ സി വേണുഗോപാല്‍ ഉള്‍പ്പടെയുള്ള എതിര്‍കക്ഷികള്‍ നാലാഴ്ചയ്ക്കകം മറുപടി നല്‍കണമെന്നാണ് സിംഗിള്‍ ബെഞ്ചിന്റെ നിര്‍ദേശം.
കെസി വേണുഗോപാലിനെതിരെ കേസെടുക്കാന്‍ തെളിവില്ലെന്നായിരുന്നു സിബിഐയുടെ അന്വേഷണ റിപ്പോര്‍ട്ട്. തുടര്‍ന്ന് കേസിലെ നടപടികള്‍ അവസാനിപ്പിക്കാന്‍ തിരുവനന്തപുരം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ റിപ്പോര്‍ട്ട് നല്‍കുകയായിരുന്നു.
റിപ്പോര്‍ട്ട് അംഗീകരിച്ച കോടതി കേസിലെ നടപടികള്‍ അവസാനിപ്പിച്ചു. ഇത് ചോദ്യം ചെയ്താണ് പരാതിക്കാരി ക്രിമിനല്‍ റിവിഷന്‍ ഹര്‍ജിയുമായി ഹൈക്കോടതിയെ സമീപിച്ചത്.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
