നോമ്പു തുറക്കാനായി കതിന പൊട്ടിച്ച് വാഴക്കാട് വലിയ ജുമാ അത്ത് പള്ളി

മലപ്പുറം: വാഴക്കാട് വലിയ ജുമാ അത്ത് പള്ളിയില്‍ നോമ്പുതുറക്കാനായി എന്നും കതിന പൊട്ടിക്കല്‍ പതിവാണ്. സമയമറിയാന്‍ മാര്‍ഗ്ഗമില്ലാതിരുന്ന കാലത്ത് തുടങ്ങിയതാണെങ്കിലും ആധുനിക സൗകര്യങ്ങളുണ്ടായിട്ടും ഈ വെടി ശബ്ദമാണ് ഇന്ന് പലരും ആശ്രയിക്കുന്നത്. നാന്നൂറിലേറെ വര്‍ഷം മുമ്പാണ് നോമ്പുകാലത്തെ കതിന വെടി തുടങ്ങിയത്.മച്ചിങ്ങപുറായ അബ്ദുള്ളയാണ് 35 വർഷമായി ഇവിടെ കതിന പൊട്ടിക്കുന്നത്.ഏകദേശം 7 കിലോമീറ്റർ വരെ ഈ വെടിശബ്ദം കേൾക്കാൻ കഴിയും.