മാവോയിസ്റ്റ് ഭീഷണിയുടെ പശ്ചാത്തലത്തില് മുഖ്യമന്ത്രി പിണറായി വിജയന്റെയും മന്ത്രിമാരുടെയും സുരക്ഷ വര്ധിപ്പിച്ചു
November 3, 2019തിരുവനന്തപുരം: മാവോയിസ്റ്റ് ഭീഷണിയുടെ പശ്ചാത്തലത്തില് മുഖ്യമന്ത്രി പിണറായി വിജയന്റെയും മന്ത്രിമാരുടെയും സുരക്ഷ വര്ധിപ്പിച്ചു. മുഖ്യമന്ത്രി പിണറായി വിജയനും ജില്ലയിലെ അഞ്ച് പൊലീസ് സ്റ്റേഷനുകള്ക്കും മാവോയിസ്റ്റ് ഭീഷണിയുള്ളതായി രഹസ്യാന്വേഷണവിഭാഗം അറിയിച്ചു. അട്ടപ്പാടിയില് മാവോയിസ്റ്റുകള് കൊല്ലപ്പെട്ടതിന് പിന്നാലെയാണ് ഭീഷണി ഉയര്ന്നത്. ജില്ലയിലെ മലയോരമേഖലയിലെ കോടഞ്ചേരി, താമരശ്ശേരി, കൂരാച്ചുണ്ട്, പെരുവണ്ണാമൂവി, തൊട്ടില്പ്പാലം സ്റ്റേഷനുകള്ക്കാണ് ഭീഷണി. അതേസമയം, വയനാടിലെ മുഴുവന് പൊലീസ് സ്റ്റേഷനുകളിലും ജാഗ്രത പുലര്ത്തണമെന്നും ഡി.ജി.പി നിര്ദേശിച്ചിട്ടുണ്ട്. ഇപ്പോള് തന്നെ ഇസഡ് കാറ്റഗറിയില് കനത്ത സുരക്ഷാ വലയത്തിലുള്ള മുഖ്യമന്ത്രിയുടെ സുരക്ഷ വര്ധിപ്പിച്ചതോടെ യാത്രയിലടക്കം ജനങ്ങള് കൂടുതല് ബുദ്ധിമുട്ടുന്ന സാഹചര്യമുണ്ടാകും.