യു.എ.പി.എ: സി.പി.എം പ്രവര്ത്തകരായ വിദ്യാര്ഥികള് റിമാന്ഡില്
November 2, 2019കോഴിക്കോട്: ലഘുലേഖകള് കൈവശം വെച്ചതിനും മാവോവാദി ബന്ധമാരോപിച്ചും പന്തീരാങ്കാവില് രണ്ടു വിദ്യാര്ഥികളെ യു.എ.പി.എ (അണ്ലോഫുള് ആക്ടിവിറ്റീസ് പ്രിവന്ഷന് ആക്ട്) പ്രകാരം അറസ്റ്റ് ചെയ്തു.ഒളവണ്ണ മൂര്ക്കനാട് ത്വാഹ ഫസല് (24) തിരുവണ്ണൂര് പാലാട്ട് നഗര് അലന് ഷുഹൈബ് (20) എന്നിവരെയാണ് പന്തീരാങ്കാവ് പൊലീസ് അറസ്റ്റ് ചെയ്തത്. ഇരുവരും സി.പി.എം പ്രവര്ത്തകരാണ്. യു.എ.പി.എയിലെ 20,32, 39 വകുപ്പുകള് പ്രകാരമാണ് കേസ്. യു.എ.പി.എ കോടതി കൂടിയായ കോഴിക്കോട് പ്രിന്സിപ്പല് സെഷന്സ് ജഡ്ജി എം.ആര് അനിതക്ക് മുമ്ബാകെ ഹാജരാക്കിയ ഇരുവരെയും 15 ദിവസത്തേക്ക് റിമാന്ഡ് ചെയ്തു. ജാമ്യാപേക്ഷ തിങ്കളാഴ്ച പരിഗണിക്കും
.