കോഴിക്കോട്ട് പോക്സോ കേസില് അധ്യാപിക അറസ്റ്റില്
May 23, 2020കോഴിക്കോട്: താമരശേരിയില് പോക്സോ കേസില് അധ്യാപിക അറസ്റ്റിലായി. അയല്വാസിയായ പന്ത്രണ്ട് വയസുകാരി വിദ്യാര്ഥിനിയെ മൊബൈല് ഫോണില് അശ്ലീല ദൃശ്യങ്ങള് കാണിച്ചു പ്രലോഭിപ്പിച്ചെന്ന പരാതിയിലാണ് അറസ്റ്റ്. താമരശേരി വെഴുപ്പൂര് അമ്പലക്കുന്ന് ലീലാമണി(35)യാണ് പിടിയിലായത്.
ഏപ്രില് 16-നാണ് കേസിനാസ്പദമായ സംഭവം. അയല്വാസിയായ വിദ്യാര്ഥിനി വീടിനടുത്തുള്ള ഗ്രൗണ്ടില് സൈക്കിള് പരിശീലനം നടത്തുമ്പോള് അധ്യാപിക മൊബൈലിലെ അശ്ലീല ചിത്രം കാണിച്ചുകൊടുക്കുകയായിരുന്നു.
കുട്ടിയുടെ രക്ഷിതാക്കള് ചൈല്ഡ് ലൈനില് നല്കിയ പരാതി താമരശേരി പോലീസിന് കൈമാറുകയായിരുന്നു. പോക്സോ പ്രകാരം അറസ്റ്റു ചെയ്ത അധ്യാപികയെ കോഴിക്കോട് പോക്സോ കോടതി റിമാന്ഡ് ചെയ്തു.