കേരള ആരോഗ്യമന്ത്രി കെ.കെ ശൈലജക്ക് ലോകാരോഗ്യ സംഘടനയുടെ ആദരം
June 23, 2020
ജനീവ: കേരള ആരോഗ്യമന്ത്രി കെ.കെ ശൈലജക്ക് ലോകാരോഗ്യ സംഘടനയുടെ ആദരം. ജൂണ്‍ 23 പൊതുപ്രവര്‍ത്തക ദിനത്തിൻറെ ഭാഗമായി കോവിഡ് വിരുദ്ധ പോരാട്ടങ്ങള്‍ക്ക് ശക്തിനല്‍കിയ പൊതുപ്രവര്‍ത്തകര്‍ക്കുള്ള യു.എന്‍ ആദരത്തിലാണ് കെ.കെ ശൈലജയും ഉള്‍പ്പെട്ടത്. ആദരമര്‍പ്പിച്ചുകൊണ്ട് നടക്കുന്ന വെബിനാറില്‍ യുഎന്‍. സെക്രട്ടറി ജനറല്‍ അന്റോണിയോ ഗുട്ടറസ്, ഏത്യോപ്യന്‍ പ്രസിഡന്‍റ് സാലേ വര്‍ക്ക് സെവ്ദേ, ഇന്‍റര്‍ നാഷണല്‍ നഴ്സ് കൗണ്‍സില്‍ പ്രസിഡന്‍റ് അന്നറ്റെ കെന്നെഡി തുടങ്ങിയ പ്രമുഖര്‍ക്കൊപ്പം കെ.കെ ശൈലജയും സംസാരിക്കും യു.എന്‍ സാമ്പത്തിക-സാമൂഹ്യകാര്യവിഭാഗമാണ് ചടങ്ങു സംഘടിപ്പിക്കുന്നത്.
