ഓടുന്ന ട്രെയിനിൽ 21കാരിയെ ബലാത്സംഗം ചെയ്തു; ജീവനക്കാരൻ അറസ്റ്റിൽ
February 12, 2022
ഓടുന്ന ട്രെയിനിലെ പാന്‍ട്രി കാറില്‍ ഇരുപത്തിയൊന്നുകാരിയെ ബലാത്സംഗം ചെയ്ത പാന്‍ട്രി ജീവനക്കാരനെ പോലീസ് അറസ്റ്റ് ചെയ്തു. മധ്യപ്രദേശിലെ ഇടാര്‍സി സ്റ്റേഷനു സമീപം യശ്വന്ത്പുര്‍- നിസാമുദ്ദീന്‍ സംപര്‍ക്ക് ക്രാന്തി എക്‌സ്പ്രസിലാണ്‌ സംഭവമുണ്ടായത്.
റിസര്‍വേഷനില്ലാതെ എ.സി കോച്ചില്‍ കയറിയ യുവതിയോട് റെയില്‍വെ ജീവനക്കാരന്‍ ജനറല്‍ കോച്ചിലേക്കു മാറാന്‍ നിർദ്ദേശിച്ചു. എന്നാൽ യുവതി പാന്‍ട്രി കാറിലേക്കു പോവുകയായിരുന്നു. ഇവിടെവെച്ചാണ് പാന്‍ട്രി ജീവനക്കാരന്‍ യുവതിയെ ബലാത്സംഗം ചെയ്തതെന്ന് പൊലീസ് പറയുന്നു
സംഭവത്തിനു പിന്നാലെ ഭോപ്പാലില്‍ ഇറങ്ങിയ യുവതി റെയില്‍വെ പൊലീസില്‍ പരാതിപ്പെടുകയായിരുന്നു. ട്രെയിന്‍ നിര്‍ത്തിയിട്ട് വെന്‍ഡര്‍മാരെ ചോദ്യം ചെയ്‌തെങ്കിലും പൊലീസിന് പ്രതിയെ കണ്ടെത്താനായില്ല. പിന്നീട് ഝാന്‍സി സ്റ്റേഷനില്‍വെച്ചാണ് ഇയാള്‍ പിടിയിലായത്.
