മൂന്നുവര്‍ഷമായി 16-കാരന് നേരേ ലൈംഗികാതിക്രമം; യുവതിക്കെതിരെ പോക്‌സോ കേസ്, അശ്ലീലവീഡിയോകളും കാണിച്ചു

മുംബൈ താണെ സ്വദേശിയായ 16 വയസ്സുള്ള ആണ്‍കുട്ടിയെ യുവതി മൂന്നുവര്‍ഷത്തോളം ലൈംഗികമായി ഉപദ്രവിച്ചെന്നാണ് പരാതി. 16-കാരന്റെ അമ്മയാണ് യുവതിക്കെതിരേ പരാതിയുമായി പോലീസിനെ സമീപിച്ചത്. മൂന്ന് കുട്ടികളുള്ള പ്രതി 16-കാരന്റെ ബന്ധുവിന്റെ അയല്‍വാസിയായിരുന്നു. മുംബൈയില്‍ ഇടയ്ക്കിടെ എത്തിയിരുന്ന ഇവര്‍ 16-കാരനുമായി അടുപ്പം സ്ഥാപിച്ചു. തുടര്‍ന്ന് മദ്യം നല്‍കി ലൈംഗികാതിക്രമത്തിന് ഇരയാക്കിയെന്നാണ് പരാതിയിലെ ആരോപണം. 2019 മുതല്‍ 2022 ഡിസംബര്‍ വരെ അതിക്രമം തുടര്‍ന്നുവന്നെന്നും പരാതിയില്‍ പറയുന്നുണ്ട്. ലൈംഗികമായി ഉപദ്രവിച്ചതിന് പുറമേ 16-കാരന് അശ്ലീലവീഡിയോകള്‍ കാണിച്ചുനല്‍കിയതായും പലപ്പോഴും സ്‌കൂളില്‍ പോകാതെ 16-കാരന്‍ നാസിക്കില്‍ യുവതിയുടെ അടുത്തേക്ക് പോയിരുന്നതായും അമ്മയുടെ പരാതിയില്‍ പറയുന്നു.