കുടിയേറ്റക്കാരെ പാര്‍പ്പിക്കുന്ന കേന്ദ്രത്തിലുണ്ടായ തീപ്പിടിത്തം ; മെക്‌സിക്കോയില്‍ 40 പേര്‍ വെന്തുമരിച്ചു
March 29, 2023
മെക്‌സിക്കോ സിറ്റി; വടക്കന്‍ മെക്‌സിക്കോയില്‍ കുടിയേറ്റക്കാരെ പാര്‍പ്പിക്കുന്ന കേന്ദ്രത്തിലുണ്ടായ തീപ്പിടിത്തത്തില്‍ 40 പേര്‍ കൊല്ലപ്പെട്ടു. റിപ്പോര്‍ട്ട് പ്രകാരം 29 പേര്‍ക്ക് പരിക്കേറ്റട്ടുണ്ട്. പരിക്കേറ്റവരെ ചികിത്സയ്ക്കായി പ്രാദേശിക ആശുപത്രികളില്‍ പ്രവേശിപ്പിച്ചു.
വടക്കന്‍ മെക്‌സിക്കോ – യു എസ് അതിര്‍ത്തിയിലുള്ള കേന്ദ്രങ്ങളില്‍ തിങ്കളാഴ്ച്ചയായിരുന്നു തീപ്പിടിത്തമുണ്ടായത്.ഇതാദ്യമായിട്ടാണ് കുടിയേറ്റക്കാരെ തടഞ്ഞുവെക്കുന്ന കേന്ദ്രത്തില്‍ ഇത്രയും ഭീകരമായ ദുരന്തമുണ്ടാകുന്നതെന്ന് റിപ്പോര്‍ട്ട് വ്യക്തമാക്കുന്നു. ഈ കേന്ദ്രം യിസെ് അതിര്‍ത്തിക്കടുത്ത് സിയുഡാഡ് ഹുവാരെസിലാണ്. അധികൃതര്‍ വ്യക്തമാക്കുന്നത് 68 കുടിയേറ്റക്കാരെ ഇവിടെ പാര്‍പ്പിച്ചിരിക്കുന്നതായിയാണ്.
കുടിയേറ്റക്കാര്‍ പ്രതിഷേധിച്ച് കിടക്കകള്‍ക്ക് തീയിട്ടതാണ് ദുരന്തത്തിനിടയാക്കിയതെന്ന് പ്രസിഡന്റ് ആന്ദ്രേ മാനുവല്‍ ലോപ്പസ് ഒബ്രഡോര്‍ പറഞ്ഞു. ഇവര്‍ പ്രതിഷേധിച്ചത് നാടുകടത്തുമോ എന്ന ആശങ്കമൂലമാണ്.
