മക്കള്‍ വീഡിയോ എടുക്കുന്നതിനിടെ തിരയില്‍പ്പെട്ട് അമ്മ മരിച്ചു; ഒപ്പം തിരയിൽപ്പെട്ട അച്ഛൻ രക്ഷപെട്ടു- വീഡിയോ

മുംബൈ: മഹാരാഷ്ട്രയിലെ ബാന്ദ്ര ഫോര്‍ട്ടില്‍ മക്കളുടെയും ഭര്‍ത്താവിന്റെയും മുന്നില്‍ വെച്ച് യുവതിക്ക് ദാരുണാന്ത്യം. കടലിലെ പാറക്കെട്ടിൽ ഭര്‍ത്താവിനൊപ്പം ഇരുന്ന് വീഡിയോ എടുക്കുന്നതിനിടെ തിരയില്‍പ്പെട്ടാണ് യുവതി മരിച്ചത്. ഇരുപത്തിയേഴുകാരിയായ ജ്യോതി സോനാര്‍ ആണ് മരിച്ചത്.

ജ്യോതിയുടെ മക്കള്‍ പകര്‍ത്തിയ ദൃശ്യങ്ങളാണ് ഇപ്പോള്‍ പുറത്തുവന്നത്. ഈ മാസം ഒമ്പതിനായിരുന്നു അപകടം. തിരയടിച്ച് നിലതെറ്റി ജ്യോതി വീഴുമ്പോള്‍ മക്കള്‍ അലറിവിളിക്കുന്നതും വീഡിയോയില്‍ കാണാം.

A 27-year-old woman drowned in the sea at Bandstand in Bandra, Mumbai. This incident occurred on Sunday evening, July 9th. The woman was taking a selfie with her husband on a rock near the shore when a big wave came, sweeping her away into the water. @indiatvnews pic.twitter.com/rzxxI1RBC3

— Suraj Ojha (@surajojhaa) July 16, 2023

ഭാര്‍ത്താവ് മുകേഷിനെ രക്ഷപ്പെടുത്താന്‍ കഴിഞ്ഞെങ്കിലും ജ്യോതിയെ രക്ഷിക്കാനായില്ല. തീരത്തുള്ളവര്‍ വിവരമറിയിച്ചതിനെ തുടര്‍ന്ന് പൊലീസും രക്ഷാപ്രവര്‍ത്തകരും സ്ഥലത്തെത്തി. നീണ്ട 20 മണിക്കൂര്‍ നേരത്തെ തിരച്ചിലിനൊടുവില്‍ പിറ്റേദിവസമാണ് ജ്യോതിയുടെ മൃതദേഹം കണ്ടെത്തിയത്.