നാവികസേനയിൽ ഓഫിസറാകാം - Navy Vacancy

നാവികസേനയിൽ വിവിധ ബ്രാഞ്ച്കേഡറുകളിലായി ഷോർട്ട് സർവിസ് കമീഷൻ ഓഫിസർമാരാകാൻ അവിവാഹിതരായ പുരുഷന്മാർക്കും വനിതകൾക്കും അവസരം. 224 ഒഴിവുകളാണുള്ളത്. ഓരോ ബ്രാഞ്ചിലും ലഭ്യമായ കേഡറും ഒഴിവുകളും യോഗ്യതാ മാനദണ്ഡങ്ങളും ചുവടെ.

എക്സിക്യൂട്ടിവ് ബ്രാഞ്ച്-ജനറൽ സർവിസ് ഹൈഡ്രോ കേഡർ- ഒഴിവുകൾ 40. യോഗ്യത: ഏതെങ്കിലും ഡിസിപ്ലിനിൽ 60 ശതമാനം മാർക്കിൽ കുറയാതെ ബി.ഇ/ബി.ടെക്. എയർട്രാഫിക് കൺട്രോളർ (എ.ടി.സി) 8. നേവൽ എയർ ഓപറേഷൻസ് ഓഫിസർ 18, പൈലറ്റ് 20. യോഗ്യത: ഏതെങ്കിലും ഡിസിപ്ലിനിൽ 60 ശതമാനം മാർക്കിൽ കുറയാതെ ബി.ഇ/ബി.ടെക്. 10, 12 ക്ലാസ് പരീക്ഷകളിലും 60 ശതമാനം മാർക്കുണ്ടാകണം. ഇംഗ്ലീഷിനും 60 ശതമാനം മാർക്ക് വേണം.

ലോജിസ്റ്റിക്സ്-ഒഴിവുകൾ 20. യോഗ്യത: ഫസ്റ്റ്ക്ലാസ് ബി.ഇ/ബി.ടെക്/എം.ബി.എ/എം.സി.എ/എം.എസ്‍സി (ഐ.ടി) അല്ലെങ്കിൽ ബി.എസ്.സി/ബി.കോം/ബി.എസ്.സി(ഐ.ടി) (ഫസ്റ്റ്ക്ലാസ് വേണം) വിത്ത് പി.ജി ഡിപ്ലോമ (ഫിനാൻസസ്​ലോജിസ്റ്റിക്സ്/സപ്ലൈ ചെയിൻ മാനേജ്മെന്റ്/മെറ്റീരിയൽസ് മാനേജ്മെന്റ്).

എജുക്കേഷൻ ബ്രാഞ്ച്- ഒഴിവുകൾ 18. യോഗ്യത- 60 ശതമാനം മാർക്കിൽ കുറയാതെ എം.എസ്‍സി (മാത് സ്/ഓപറേഷനൽ റിസർച്/ഫിസിക്സ്/അപ്ലൈഡ് ഫിസിക്സ്/കെമിസ്ട്രി) അല്ലെങ്കിൽ ഫസ്റ്റ്ക്ലാസ് ബി.ഇ/ബി.ടെക് (മെക്കാനിക്കൽ/ഇലക്ട്രിക്കൽ/ഇ.സി) അല്ലെങ്കിൽ 60 ശതമാനം മാർക്കോടെ എം.ടെക് (തെർമൽ/പ്രൊഡക്ഷൻ/മെഷീൻ ഡിസൈൻ/കമ്യൂണിക്കേഷൻ സിസ്റ്റം എൻജീനീയറിങ്/ഇ.സി/വി.എൽ.എസ്.ഐ/പവർ സിസ്റ്റം എൻജിനീയറിങ്).

ടെക്നിക്കൽ ബ്രാഞ്ച്-എൻജിനീയറിങ് ജനറൽ സർവിസ് 30. ഇലക്ട്രിക്കൽ 50, നേവൽ കൺസ്ട്രക്ടർ-20. വിശദ വിവരങ്ങളടങ്ങിയ വിജ്ഞാപനം www.joinindiannavy.gov.inൽ. ഒക്ടോബർ 29 വരെ അപേക്ഷ സമർപ്പിക്കാം. തെരഞ്ഞെടുക്കപ്പെടുന്നവർക്ക് 2024 ജൂ​ണിൽ ഏഴിമല നാവിക അക്കാദമിയിൽ പരിശീലനം നൽകും.