​കേരളത്തിൽ വോട്ടെണ്ണൽ 20 കേന്ദ്രങ്ങളിൽ; സ്ട്രോങ് റൂമുകൾ തുറന്നു-LOK SABHA ELECTION RESULTS 2024

കോഴിക്കോട്: ലോ​ക്സ​ഭ തെ​ര​ഞ്ഞെ​ടു​പ്പി​ൽ കേ​ര​ള​ത്തി​ലെ 20 മ​ണ്ഡ​ല​ങ്ങ​ളി​ലെയും വോട്ടെണ്ണൽ ഉടൻ ആരംഭിക്കും. ക​ന​ത്ത സു​ര​ക്ഷാ വ​ല​യ​ത്തിൽ വോ​ട്ടു​യ​ന്ത്ര​ങ്ങ​ൾ സൂ​ക്ഷി​ച്ച സ്‌​ട്രോ​ങ് റൂ​മു​ക​ൾ രാ​വി​ലെ അ​ഞ്ച​ര​യോ​ടെ തു​റന്നു. രാ​വി​ലെ എ​ട്ടി​ന് വോട്ടെണ്ണൽ​ ആ​രം​ഭി​ക്കും. ആ​ദ്യ ഫ​ല​സൂ​ച​ന ഒ​മ്പത് മണിയോടെ ല​ഭി​ക്കു​ം. ഓ​രോ ഘ​ട്ടം പി​ന്നി​ടു​മ്പോ​ഴും ഫ​ല​സൂ​ച​ന പു​റ​ത്തു​വ​രു​മെ​ങ്കി​ലും വി.​വി​പാ​റ്റു​ക​ൾ കൂ​ടി എ​ണ്ണി​ത്തീ​ർ​ന്ന ശേ​ഷ​മാ​ണ് അ​ന്തി​മ​ഫ​ല പ്ര​ഖ്യാ​പ​നം ഉണ്ടാകുക.

ഇ​ല​ക്ട്രോ​ണി​ക്ക​ലി ട്രാ​ൻ​സ്മി​റ്റ​ഡ് പോ​സ്റ്റ​ൽ ബാ​ല​റ്റു​ക​ളും (ഇ.​ടി.​പി.​ബി), വീ​ട്ടി​ലി​രു​ന്ന്​ വോ​ട്ടു ചെ​യ്ത​വ​ർ ഉ​ൾ​പ്പെ​ടെ ഉ​ള്ള​വ​രു​ടെ ത​പാ​ൽ ബാ​ല​റ്റു​ക​ളു​മാ​യി​രി​ക്കും ആ​ദ്യം എ​ണ്ണു​ക. അ​ടു​ത്ത അ​ര​മ​ണി​ക്കൂ​റി​നു​ള്ളി​ൽ വോ​ട്ടു​യ​ന്ത്ര​ങ്ങ​ളി​ലെ വോ​ട്ടു​ക​ൾ എ​ണ്ണി​ത്തു​ട​ങ്ങും.

ഓ​രോ അ​സം​ബ്ലി മ​ണ്ഡ​ല​ത്തി​ലെ​യും വോ​ട്ടു​ക​ൾ എ​ണ്ണാ​ൻ ഒ​രോ ഹാ​ൾ ഉ​ണ്ടാ​യി​രി​ക്കും. ഒ​രോ ഹാ​ളി​ലും പ​ര​മാ​വ​ധി 14 മേ​ശ​ക​ൾ ക്ര​മീ​ക​രി​ച്ചിട്ടുണ്ട്. ഓ​രോ മേ​ശ​യ്ക്കും ഒ​രു കൗ​ണ്ടി​ങ് സൂ​പ്പ​ർ​വൈ​സ​ർ ഉ​ണ്ടാ​വും. കൗ​ണ്ടി​ങ് ഏ​ജ​ന്റു​മാ​രു​ടെ സാ​ന്നി​ധ്യ​ത്തി​ൽ കൗ​ണ്ടി​ങ് സൂ​പ്പ​ർ​വൈ​സ​ർ വോ​ട്ടു​യ​ന്ത്രം പ​രി​ശോ​ധി​ച്ച് കേ​ടു​പാ​ടു​ക​ൾ ഇ​ല്ലെ​ന്ന് ഉ​റ​പ്പാ​ക്കി​യ ശേ​ഷം മു​ദ്ര പൊ​ട്ടി​ക്കും.

ഓ​രോ റൗ​ണ്ടി​ലും എ​ല്ലാ വോ​ട്ടു​യ​ന്ത്ര​ങ്ങ​ളും എ​ണ്ണി​ത്തീ​ർ​ന്ന ശേ​ഷം തെ​ര​ഞ്ഞെ​ടു​പ്പ് ക​മീ​ഷ​ന്റെ നി​രീ​ക്ഷ​ക​ൻ അ​തി​ൽ​നി​ന്ന്​ ഏ​തെ​ങ്കി​ലും ര​ണ്ടു മെ​ഷീ​ൻ എ​ടു​ത്ത് അ​തി​ലെ കൗ​ണ്ട് രേ​ഖ​പ്പെ​ടു​ത്തി​യ​ത് ശ​രി​യാ​ണെ​ന്ന് ഉ​റ​പ്പാ​ക്കും. അ​തു ക​ഴി​ഞ്ഞാ​ൽ ആ ​റൗ​ണ്ടി​ന്റെ ടാ​ബു​ലേ​ഷ​ൻ ന​ട​ത്തി ആ ​റൗ​ണ്ടി​ന്റെ റി​സ​ൽ​ട്ട്​ റി​ട്ടേ​ണി​ങ് ഓ​ഫി​സ​ർ പ്ര​ഖ്യാ​പി​ച്ച് രേ​ഖ​പ്പെ​ടു​ത്തും. എ​ല്ലാ റൗ​ണ്ടി​ലെ​യും വോ​ട്ടു​യ​ന്ത്ര​ങ്ങ​ളി​ലെ വോ​ട്ടെ​ണ്ണ​ൽ പൂ​ർ​ത്തി​യാ​ക്കി​യ ശേ​ഷം മാ​ത്ര​മേ വി.​വി​പാ​റ്റ് സ്ലി​പ്പു​ക​ളു​ടെ വെ​രി​ഫി​ക്കേ​ഷ​ൻ ന​ട​ത്തു​ക​യു​ള്ളൂ. ഒ​രു വി.​വി​പാ​റ്റ് മെ​ഷീ​നി​ലെ സ്ലി​പ്പു​ക​ൾ എ​ണ്ണി​ത്തീ​രാ​ൻ ഒ​രു മ​ണി​ക്കൂ​റെ​ങ്കി​ലും എ​ടു​ക്കും. ഇ​തി​നു​ശേ​ഷ​മാ​വും അ​ന്തി​മ​വി​ധി പ്ര​ഖ്യാ​പ​നം.