2019 ലോക്സഭാ തിരഞ്ഞെടുപ്പ്: ബിജെപി സ്ഥാനാര്ത്ഥി പട്ടികയിലേക്ക് മോഹന്ലാലടക്കമുള്ള താരനിര
September 16, 2018ന്യൂഡല്ഹി: മോഹന്ലാലും അക്ഷയ് കുമാറും വീരേന്ദര് സേവാഗും ഉള്പ്പെടെയുള്ള താരങ്ങളെ 2019 ലോക്സഭാ തിരഞ്ഞെടുപ്പില് സ്ഥാനാര്ഥികളാക്കാനുള്ള സാധ്യത പരിശോധിച്ച് ബിജെപി.
സിനിമാ-കായിക-കലാ-സാംസ്കാരിക മേഖലയില്നിന്നുള്ള എഴുപതോളം പ്രമുഖരെ സ്ഥാനാര്ഥികളാക്കാനാണ് ആലോചിക്കുന്നതെന്ന് പേരു വെളിപ്പെടുത്താന് താത്പര്യപ്പെടാത്ത മുതിര്ന്ന നേതാവിനെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്തു.
മാധുരി ദീക്ഷിത്, സണ്ണി ഡിയോള് എന്നിവരുടെ പേരും പരിഗണനയിലുണ്ട്. തിരുവനന്തപുരത്തുനിന്ന് മോഹന്ലാല്, ന്യൂഡല്ഹിയില്നിന്ന് അക്ഷയ് കുമാര്, മുംബൈയില്നിന്ന് മാധുരി ദീക്ഷിത്, ഗുര്ദാസ്പുറില്നിന്ന് സണ്ണി ഡിയോളിനെയും ലോക്സഭയിലേക്ക് മത്സരിപ്പിക്കാനുള്ള സാധ്യതയാണ് പാര്ട്ടി പരിശോധിക്കുന്നത്.
എന്നാല് ബിജെപി സ്ഥാനാര്ഥിയാകുമോ എന്നതില് മോഹന്ലാല് ഇതുവരെ നിലപാട് വ്യക്തമാക്കിയിട്ടില്ല
സിനിമാ, കലാസാംസ്കാരികം, കായികം, ആരോഗ്യം മാധ്യമ രംഗം തുടങ്ങിയ മേഖലകളിലെ പ്രശസ്തരെ ലോക്സഭാ തിരഞ്ഞെടുപ്പില് കളത്തിലിറക്കാനുള്ള ശ്രമത്തിലാണ് ബി ജെ പി.