കൊച്ചിയില്‍ മാലിന്യ നീക്കം ഭാഗീകമായി പുനഃസ്ഥാപിച്ചു
March 1, 2019
കൊച്ചി നഗരത്തില്‍ കഴിഞ്ഞ ഏഴ് ദിവസമായി തുടരുന്ന മാലിന്യ പ്രശ്‌നത്തിന് ഇന്നും പൂര്‍ണ പരിഹാരമായില്ല. മാലിന്യ നീക്കം ഭാഗികമായി പുനഃസ്ഥാപിച്ചെങ്കിലും നഗരത്തില്‍ പലയിടത്തും മാലിന്യം കെട്ടിക്കിടക്കുകയാണ്. അതേസമയം ഇന്നലെ രാത്രി പ്ലാന്റിലേക്ക് മാലിന്യവുമായെത്തിയ വാഹനങ്ങള്‍ പ്രദേശവാസികള്‍ തടഞ്ഞു. മാലിന്യം സംസ്‌കരിക്കാനുള്ള നടപടികള്‍ പൂര്‍ത്തിയാക്കിയതിന് ശേഷം മാലിന്യം നിക്ഷേപിച്ചാല്‍ മതിയെന്നാണ് പ്രദേശവാസികളുടെ നിലപാട്. ഇന്ന് പ്ലാന്റിന് സ്‌റ്റോപ്പ് മെമ്മോ നല്‍കുമെന്ന് വടവുകോട് പുത്തന്‍കുരിശ് പഞ്ചായത്ത് അധികൃതര്‍ വ്യക്തമാക്കിയിട്ടുണ്ട്.
