അഴിയൂരിൽ മുറ്റത്തെ മുല്ല കർമ്മ പദ്ധതി പത്തുലക്ഷം രൂപ വരെ വായ്പ്പാ സൗകര്യം

കൊള്ളപ്പലിശക്കാരിൽനിന്നും സാധാരണ സ്ത്രീകൾക്ക് ആശ്വാസം പകരുന്നതിനായി സഹകരണവകുപ്പ് നടപ്പിലാക്കുന്ന മുറ്റത്തെ മുല്ല  കാർഷികപദ്ധതിയുടെ ഔപചാരികഉത്‌ഘാടനം  അഴിയൂർ സർവ്വീസ് സഹകരണ ബാങ്ക് പ്രസിഡന്റ് കെ.പി.പ്രമോദിൻറെ  അദ്ധ്യക്ഷതയിൽഅഴിയൂർ പഞ്ചായത്ത്  പ്രസിഡണ്ട് ഇ . ടി .അയുബ്ബ്‌ നിർവ്വഹിച്ചു . പ്രധാനമന്ത്രികൃഷി സിൻജായ് യോജന പ്രകാരം കുളങ്ങൾ ഉൾപ്പെടെയുള്ള ജലസ്രോതസ്സുകളുടെ നിർമ്മാണത്തിനും സംരക്ഷണത്തിനുമായുള്ള പദ്ധതി നടപ്പിലാക്കാനും പഞ്ചായത്ത് കാർഷിക കർമ്മ സമിതി യോഗം  തീരുമാനിക്കുകയുണ്ടായി . അഴിയൂർ സഹകരണ ബാങ്കിൻറെ ആഭിമുഖ്യത്തിൽ പത്തുലക്ഷം രൂപ വരെ വായ്‌പ നൽകിക്കൊണ്ടാണ് മുറ്റത്തെ മുല്ല കാർഷിക  പദ്ധതി നടപ്പിലാക്കുന്നത്‌ .
അസി .രജിസ്ട്രാർ ജനറൽ വടകര സി കെ സുരേഷ് ചടങ്ങിൽ പദ്ധതി വിശദീകരിച്ചു ഓണക്കിറ്റ് വിപണിയിലറക്കുന്നതിന്റെ ഉൽഘാടനം അഴിയൂർ പഞ്ചായത്ത്  സെക്രട്ടറി ടി.ഷാഹുൽ ഹമീദും മുറ്റത്തെ മുല്ല വായ്പയുടെ ബാങ്ക് പാസ്സ് ബുക്ക് വിതരണം കെ.എസ്.നായരും  നിർവ്വഹിച്ചു   . 
ബാങ്ക് ഡയറക്ടർമാരായ പി.ശ്രീധരൻ ,കെ സുഗതൻ, ടി.കെ.സുഗന്ധി,മീര,കുടുബശ്രീ സി.എഡി-എസ്.ചെയർപെഴ്സൺ ബിന്ദു ജയ്സൺ ,ബാങ്ക് സെക്രട്ടറി രഞ്ചിത്ത്, എന്നിവർ സംസാരിച്ചു. കമ്പോളത്തിൽ ഇടപ്പെടൽ നടത്തി വിലക്കുറവിൽ ആവശ്യ വസ്തുക്കൾ എത്തിക്കുക എന്നതിന്റെ ഭാഗമായാണ് ഓണക്കിറ്റ് വിപണിയിലറക്കിയതെന്ന്  സെക്രട്ടറി  ടി.ഷാഹുൽ ഹമീദ് പറഞ്ഞു . കുഞ്ഞിപ്പള്ളി റയിൽവേ മേൽപ്പാലത്തിൽ അഴിയൂർ പഞ്ചായത്ത് മുൻകൈയ്യെടുത്ത് സ്ഥാപിച്ച അറുപത് വിളക്കുകളുടെ സ്വിച്ച് ഓൺ കർമ്മം സി .കെ .നാണു  എം എൽ എ   നിർവ്വഹിച്ചതായും അദ്ദേഹം വ്യക്തമാക്കി