ആരാധനാലയങ്ങളുള്ള 19 നഗരങ്ങളിൽ മദ്യവിൽപ്പന നിരോധിച്ചു; ഇന്ന് മുതൽ പുതിയ എക്സൈസ് നയം
April 1, 202519 സ്ഥലങ്ങളിൽ ഏപ്രിൽ 1 മുതൽ മദ്യവിൽപ്പനയ്ക്ക് പൂർണ്ണ നിരോധനം ഏർപ്പെടുത്തി മധ്യപ്രദേശ് സർക്കാർ. മഹാകാലേശ്വർ ക്ഷേത്ര നഗരമായ ഉജ്ജൈൻ, അമർകാന്തക്, ഓംകാരേശ്വർ തുടങ്ങിയ പ്രശസ്ത സ്ഥലങ്ങൾ ഈ നിരോധനത്തിന് വിധേയമാണ്. സംസ്ഥാന സർക്കാർ നടപ്പിലാക്കിയ പുതിയ എക്സൈസ് നയത്തിന്റെ അടിസ്ഥാനത്തിലാണ് ഈ നീക്കം.
ഈ നയം പ്രകാരം, ഈ പ്രദേശങ്ങളിലെ മദ്യശാലകൾക്ക് പുതിയ ലൈസൻസുകൾ നൽകില്ല, നിലവിലുള്ള ഔട്ട്‌ലെറ്റുകൾ തുടർന്നും പ്രവർത്തിക്കുന്നത് നിരോധിച്ചിരിക്കുന്നു. കൂടാതെ, അടച്ചുപൂട്ടലിൽ നിന്നുള്ള വരുമാനനഷ്ടം നികത്താൻ മറ്റ് സ്ഥലങ്ങളിൽ മദ്യത്തിന്റെ വില വർദ്ധിപ്പിക്കാൻ സർക്കാർ തീരുമാനിച്ചു.
മുനിസിപ്പാലിറ്റികളും ഗ്രാമപഞ്ചായത്തുകളും മണ്ഡല, മുൽതായ്, മന്ദ്‌സൗർ, അമർകണ്ടക്, സൽക്കൻപൂർ, ബർമാങ്കള, ബർമാൻഖുർദ്, ലിംഗ, കുന്ദൽപൂർ, ബന്ദക്പൂർ, ഉജ്ജയിൻ, ഓംകാരേശ്വർ, മഹേശ്വര്, മണ്ഡലേശ്വർ, ഓർച്ച, മൈഹാർ, ചിത്രകൂട്, ദാതിയ, പന്ന, പനക്പുർ എന്നീ പ്രദേശങ്ങളാണ് ബാധിത പ്രദേശങ്ങൾ.
