വിവാഹത്തിനിടെ വധു കുഴഞ്ഞുവീണു മരിച്ചു; സംസ്കാരത്തിന് മുൻപ് സഹോദരിയുമായി കല്യാണം

വിവാഹ ചടങ്ങിനിടെ വധുവിന്റെ അപ്രതീക്ഷിത മരണത്തിന് പിന്നാലെ വധുവിന്റെ സഹോദരിയെ വിവാഹം കഴിക്കേണ്ടി വന്ന് വരൻ. ഉത്തർപ്രദേശിലെ സനദ്പുർ എന്ന സ്ഥലത്താണ് സംഭവം. മഞ്ചേഷ് കുമാർ വിവാഹം കഴിക്കാൻ തീരുമാനിച്ചത് സുരഭി എന്ന പെണ്‍കുട്ടിയെയാണ്. വിവാഹചടങ്ങുകൾ നടക്കുന്നതിനിടെ സുരഭി സ്റ്റേജിൽ കുഴഞ്ഞ് വീഴുകയായിരുന്നു. വിവാഹമാല്യം പരസ്പരം കൈമാറി അണിഞ്ഞതിന് ശേഷമാണ് സുരഭിക്ക് അസ്വസ്ഥത അനുഭവപ്പെട്ടത്. പെട്ടെന്ന് തന്നെ ഡോക്ടറെ വിളിച്ചു വരുത്തി. പരിശോധനയിൽ പെൺകുട്ടി മരിച്ചുവെന്ന് കണ്ടെത്തി. ഗുരുതരമായ ഹൃദയാഘാതം ഉണ്ടായതിനെ തുടർന്നാണ് സുരഭിയുടെ മരണമെന്നാണ് റിപ്പോർട്ട്. വിവാഹചടങ്ങുകൾ നിർത്തിവെക്കുകയും സുരഭിയുടെ ഇളയ സഹോദരി നിഷയെക്കൊണ്ട് മനോജ് കുമാറുമായി വിവാഹം നടത്താമെന്ന് തീരുമാനിക്കുകയായിരുന്നു.

ഇരുകുടുംബത്തിനും ഇത് സമ്മതമായിരുന്നു. വിവാഹം നടത്തി. സുരഭിയുടെ സഹോദരൻ സൗരഭ് വാർത്താ ഏജൻസിയോട് പറഞ്ഞു.ഈ ചർച്ചകൾ നടക്കുമ്പോൾ മരിച്ച യുവതിയുടെ മ‍ൃതദേഹം സംസ്കരിച്ചിട്ടില്ലായിരുന്നു.സഹോദരിയുമായുള്ള വിവാഹത്തിന് ശേഷമാണ് സംസ്കാരം നടന്നത്.