75-ാം സ്വാതന്ത്ര്യ ദിനാഘോഷം: അതിർത്തികളിൽ ത്രിവർണപതാക ഉയർത്തി സൈന്യം
August 15, 2021കൊറോണ പ്രതിസന്ധികൾക്കിടിയിലും സമുചിതമായി വിവിധ ഭാഗങ്ങളിൽ സ്വാതന്ത്ര്യ ദിനം ആഘോഷിച്ച് രാജ്യം. രാജ്യാതിർത്തിയായ ലഡാക്കിലും പാംഗോങ്ങിലും സൈനികർ ദേശീയ പതാക ഉയർത്തി. വാഗാ അതിർത്തി, പാംഗോങ്, ലഡാക്ക് എന്നിവിടങ്ങളിൽ ഐടിബിപി ദേശീയ പതാക ഉയർത്തി സ്വാതന്ത്ര്യ ദിനം ആഘോഷിച്ചു. ആഘോഷങ്ങളുടെ ഭാഗമായി ദേശീയ പതാകയുമായി മാർച്ച് നടത്തുകയും ദേശീയ ഗാനം ആലപിക്കുകയും ചെയ്തു.
ശ്രീനഗറിൽ ലഫ്റ്റനൻറ് ഗവർണർ മനോജ് സിൻഹയാണ് ദേശീയ പതാക ഉയർത്തി. ലേയിലും ലഡാക്കിലും നടന്ന ചടങ്ങിൽ ദേശീയ പതാകയേന്തി സൈനികർ മാർച്ച് നടത്തി. അതേസമയം ഇത്തവണ ഐടിബിപിയിലെ 23 പേരാണ് സ്തത്യർഹ സേവനത്തിനുള്ള പുരസ്കാരത്തിന് അർഹരായത്. ഇവരിൽ 20 പേർക്ക് കഴിഞ്ഞ വർഷം ലഡാക്കിൽ നടന്ന സംഘർഷം നേരിട്ടതിൽ ധീരതയ്ക്കുള്ള പുരസ്കാരമാണ് ലഭിച്ചത്. ഇതാദ്യമായാണ് ഇത്രയധികം ഐടിബിപി പേർക്ക് പുരസ്കാരം ലഭിക്കുന്നത്.