രാജ്മോഹന് ഉണ്ണിത്താനെതിരെ എല്.ഡി.എഫിന്റെ പരാതി
April 12, 2019കാസര്കോട് മണ്ഡലത്തിലെ യു.ഡി.എഫ് സ്ഥാനാര്ഥി രാജ്മോഹന് ഉണ്ണിത്താനെതിരെ എല്.ഡി.എഫിന്റെ പരാതി. പയ്യന്നൂർ അരവഞ്ചാലിലാണ് ഏപ്രിൽ 8ന് ഉണ്ണിത്താൻ നടത്തിയ പ്രസംഗം വര്ഗീയ ചേരിതിരിവുണ്ടാക്കുന്നതാണെന്ന് ചൂണ്ടിക്കാട്ടിയാണ് പരാതി നല്കിയിരിക്കുന്നത്.
എൽ.ഡി.എഫ് കാസർകോട് മണ്ഡലം സെക്രട്ടറി ടി.വി രാജേഷ് എം.എൽ.എയാണ് മുഖ്യ വരണാധികാരി കലക്ടർ ഡോ. ഡി സജിത്ത് ബാബുവിന് പരാതി നൽകിയത്. പ്രസംഗത്തിന്റെ വീഡിയോ ക്ലിപ്പിങ്ങും പരാതിക്കൊപ്പം സമർപ്പിച്ചിട്ടുണ്ട്. . തെരഞ്ഞെടുപ്പ് പെരുമാറ്റച്ചട്ടം ലംഘിച്ച യു.ഡി.എഫ് സ്ഥാനാർഥി ഉണ്ണിത്താനെതിരെ നടപടിയെടുക്കണമെന്ന് ടി.വി രാജേഷ് ആവശ്യപ്പെട്ടിട്ടുണ്ട്.