മോദി-ഷി ജിന് പിങ് ഉച്ചകോടിക്ക് ഒരുങ്ങി മാമല്ലപുരം
October 10, 2019ന്യൂഡല്ഹി: പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷി ചിന്പിംഗും തമ്മിലുള്ള രണ്ടാം അനൗപചാരിക ഉച്ചകോടിക്ക് നാളെ തമിഴ്നാട്ടിലെ മാമല്ലപുരത്തു തുടക്കമാകും. ചെന്നൈയില് നിന്ന് 56 കിലോമീറ്റര് അകലെയുള്ള, ഏഴാം നൂറ്റാണ്ടിലെ പൈതൃക നഗരമായ മാമല്ലാപുരത്താണ് ഇന്ത്യ-ചൈന നേതാക്കളുടെ സംഗമം. പല്ലവ രാജവംശത്തിന്റെ കാലത്തെ നിര്മിതികളാണ് മാമല്ലാപുരത്തുള്ളത്. കടലോര ക്ഷേത്രത്തിലെ ഭക്ഷണ ശേഷം മോദിയും ചൈനീസ് പ്രസിഡന്റും സാംസ്കാരിക പരിപാടികളില് പങ്കെടുക്കും. ശനിയാഴ്ചയാകും പ്രതിനിധി ചര്ച്ചകള്. അതിര്ത്തി, കാശ്മീര്, വ്യാപാരം തുടങ്ങിയ വിഷയങ്ങള് ചര്ച്ച ചെയ്യുമെന്നാണ് വിവരം.