കുട്ടനാട് കാര്‍ഷിക വായ്പ തട്ടിപ്പ്: ഫാ.തോമസ് പീലിയാനിക്കലിന്റെ വികസന സമിതി ചെയര്‍മാന്‍ സ്ഥാനം തെറിച്ചു

കോട്ടയം: കുട്ടനാട് കാര്‍ഷിക വായ്പ തട്ടിപ്പില്‍ അറസ്റ്റിലായ ഫാ.തോമസ് പീലിയാനിക്കലിനെ കുട്ടനാട് വികസന സമിതിയുടെ ചെയര്‍മാന്‍ സ്ഥാനത്തുനിന്ന് നീക്കി. ചങ്ങനാശേരി അതിരൂപതയാണ് ഇതുസംബന്ധിച്ച തീരുമാനമെടുത്തത്. വായ്പ തട്ടിപ്പ് അതിരൂപതയ്ക്കും സഭയ്ക്കും നാണക്കേടുണ്ടാക്കി എന്നു കണ്ടാണ് നടപടി. തട്ടിപ്പ് കേസില്‍ അറസ്റ്റിലായ ഫാ.തോമസിനെ ഇന്നലെ കോടതി റിമാന്‍ഡ് ചെയ്തിരുന്നു. ഇതിനു ശേഷമാണ് അതിരൂപതയുടെ ഭാഗത്തുനിന്നും നടപടി വരുന്നത്.

അതേസമയം, ഫാ.തോമസ് പീലിയാനിക്കലിനെതിരെ അതിരൂപത അന്വേഷണം ആരംഭിച്ചു. ആറംഗ സമിതിയുടെ അന്വേഷണം പുരോഗമിക്കുകയാണെന്ന് അതിരൂപത പ്രതിനിധികള്‍ പറയുന്നു. എന്നാല്‍ ഇക്കാര്യത്തിലൊന്നും പരസ്യ പ്രതികരണത്തിന് അതിരൂപത തയ്യാറല്ല. വായ്പ തട്ടിപ്പില്‍ ബാങ്ക് നടപടി നേരിടുന്നവര്‍ ഇന്നലെ അതിരുപത ആസ്ഥാനത്ത് പ്രതിഷേധം നടത്തിയിരുന്നു.

ഫാ. പീലിയാനിക്കലിനു പകരം വികസന സമിതിയുടെ പുതിയ ചെയര്‍മാനായി വരുന്നത് ഫാ.തോമസ് കൊച്ചുതറയില്‍ ആണെന്ന് സൂചനയുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *