ധൂം, ധൂം 2 ചിത്രങ്ങളുടെ സംവിധായകൻ സഞ്ജയ് ​ഗധ്വി അന്തരിച്ചു

2000-ൽ പുറത്തിറങ്ങിയ തേരേ ലിയേ എന്ന ചിത്രമായിരുന്നു അ​ദ്ദേഹത്തിന്റെ കന്നി സംവിധാന സംരംഭം. പുതുമുഖങ്ങൾ മുഖ്യവേഷത്തിലെത്തിയ ചിത്രം അത്ര വലിയ വിജയമായില്ല. 2002-ൽ മേരേ യാർ കി ഷാദി ഹേ എന്ന ചിത്രം സംവിധാനം ചെയ്തു. ഉദയ് ചോപ്ര, ബിപാഷ ബസു, തുലീപ് ജോഷി, ജിമ്മി ഷെർ​ഗിൽ എന്നിവരായിരുന്നു മുഖ്യവേഷങ്ങളിൽ. യഷ് രാജ് നിർമിച്ച ചിത്രം ഈ നിർമാണക്കമ്പനിയുടെ മറ്റുചിത്രങ്ങൾ പോലെ വിജയം നേടിയില്ല.തുടർന്നാണ് 2004-ൽ ഇന്ത്യൻ സിനിമയെത്തന്നെ ഇളക്കിമറിച്ച ധൂം വരുന്നത്. അഭിഷേക് ബച്ചൻ, ജോൺ എബ്രഹാം, ഉദയ് ചോപ്ര എന്നിവർ പ്രധാനവേഷങ്ങളിലെത്തിയ ചിത്രം ബോക്സോഫീസ് റെക്കോർഡുകൾ തകർത്തു. 2006-ൽ പുറത്തിറങ്ങിയ ധൂം-2- ആദ്യ ഭാ​ഗത്തേക്കാൾ ഹിറ്റായി. അഭിഷേക് ബച്ചനും ഉദയ് ചോപ്രയ്ക്കുമൊപ്പം ഹൃത്വിക് റോഷനും ഐശ്വര്യാ റായിയും മുഖ്യവേഷങ്ങളിലെത്തി. കിഡ്നാപ്, അജബ് ​ഗസബ് എന്നി ചിത്രങ്ങളും പിന്നീടദ്ദേഹം സംവിധാനം ചെയ്തു. 2012-ലിറങ്ങിയ അജബ് ​ഗസബിനുശേഷം സിനിമയിൽ നിന്നും അദ്ദേഹം വിട്ടുനിൽക്കുകയായിരുന്നു.