പ്രവേശനോത്സവം സംസ്ഥാനതല ഉദ്ഘാടനം എളമക്കരയിൽ
June 3, 2024സ്‌കൂള്‍ പ്രവേശനോത്സവത്തിന്റെ സംസ്ഥാനതല ഉദ്ഘാടനം എറണാകുളം എളമക്കര ഗവ. ഹയര്‍ സെക്കന്ററി സ്‌കൂളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. മന്ത്രി വി.ശിവന്‍കുട്ടി അധ്യക്ഷത വഹിക്കും. മന്ത്രി പി.രാജീവ്, പ്രതിപക്ഷ നേതാവ് വി.ഡി.സതീശന്‍ എന്നിവരും മറ്റു ജനപ്രതിനിധികളും വിശിഷ്ടാതിഥികളാകും. രാവിലെ മന്ത്രി വി.ശിവന്‍കുട്ടിയുടെ നേതൃത്വത്തില്‍ ഒന്നാം ക്ലാസിലെ കുട്ടികളെ സ്വീകരിക്കും. തുടര്‍ന്ന് പ്രവേശനോത്സവ ഗാനത്തിന്റെ ദൃശ്യാവിഷ്‌കാരം നടക്കും.
ടി.ജെ.വിനോദ് എംഎല്‍എ, ഹൈബി ഈഡന്‍ എംപി, മേയര്‍ അഡ്വ. എം.അനില്‍കുമാര്‍, എം.പിമാരായ ജെബി മേത്തര്‍, തോമസ് ചാഴികാടന്‍, എംഎല്‍എമാരായ ആന്റണി ജോണ്‍, അനൂപ് ജേക്കബ്, കെ.ബാബു, കെ.ജെ.മാക്സി, മാത്യു കുഴല്‍നാടന്‍, പി.വി.ശ്രീനിജിന്‍, ഉമ തോമസ്, കെ.എന്‍.ഉണ്ണികൃഷ്ണന്‍, ജില്ലാ പഞ്ചായത്ത് പ്രസിഡന്റ് മനോജ് മൂത്തേടന്‍ എന്നിവർ സംസാരിക്കും.
