ഗായിക കൽപ്പനയെ അമിത ഡോസ് ഉറക്ക ഗുളികൾകൾ കഴിച്ച നിലയിൽ കണ്ടെത്തി ; ആത്മഹത്യാ ശ്രമമെന്ന് സൂചന
March 4, 2025തെലങ്കാന: ഗായിക കൽപ്പനയെ അമിത ഡോസ് ഉറക്ക ഗുളികൾകൾ കഴിച്ച നിലയിൽ കണ്ടെത്തി. ഹൈദരാബാദ് നിസാംപേട്ടിലെ വീട്ടിൽ നിന്നാണ് ഇവരെ അവശ നിലയിൽ കണ്ടെത്തിയത്. ആത്മഹത്യാ ശ്രമമെന്നാണ് സൂചന. 2010-ൽ വിവാഹമോചിതയായ കൽപ്പന നിസാംപേട്ടിലെ ഒരു വീട്ടിൽ ഒറ്റയ്ക്കാണ് താമസിക്കുന്നത്. രണ്ട് ദിവസമായിട്ടും വീടിൻ്റെ വാതിൽ തുറക്കാത്തതിനെ തുടർന്ന് നാട്ടുകാരാണ് ചെന്നൈയിൽ താമസിക്കുന്ന ഇവരുടെ ഭർത്താവ് പ്രസാദിനെ വിവരമറിയിച്ചത്. പോലീസെത്തി വീടിൻ്റെ വാതിൽപ്പൊളിച്ചാണ് കൽപ്പനയെ ആശുപത്രിയിലേക്ക് മാറ്റിയത്. നിലവിൽ ഹൈദരാബാദിലെ സ്വകാര്യ ആശുപത്രിയിൽ ചികിത്സയിലാണ് ഇവർ.
ഗായിക എന്ന നിലയിൽ മാത്രമല്ല, ഡബ്ബിംഗ് ആർട്ടിസ്റ്റ്, നടി എന്നീ നിലകളിലും കൽപ്പന പ്രശസ്തയാണ്. തെലുങ്ക് ചലച്ചിത്രമേഖലയിലെ ഏറ്റവും ജനപ്രിയ ഗായികമാരിൽ ഒരാളാണ് കൽപ്പന. എ ആർ റഹ്മാൻ, ഇളയരാജ, എസ് പി ബാലു, കെ വി മഹാദേവൻ, ചിത്ര തുടങ്ങിയ പ്രശസ്ത ഗായകർക്കൊപ്പം നിരവധി ഗാനങ്ങൾ ആലപിച്ചിട്ടുണ്ട്. ബിഗ് ബോസ് ഗെയിം ഷോയിലും പങ്കെടുത്തിരുന്നു.
മുൻപൊരിക്കൽ താൻ ആത്മഹത്യക്ക് ശ്രമിച്ചപ്പോൾ ഗായിക ചിത്രയാണ് തനിക്ക് ധൈര്യം തന്നതെന്ന് കൽപ്പന പറഞ്ഞിട്ടുണ്ട്. നീ ആത്മഹത്യ ചെയ്യാൻ വേണ്ടിയാണോ ജനിച്ചതെന്നും “ജീവിതത്തിൽ മുന്നോട്ട് പോകാൻ അവർ എനിക്ക് ധൈര്യം നൽകുകയും പ്രോത്സാഹിപ്പിക്കുകയും ചെയ്തുവെന്നും കൽപ്പന പറഞ്ഞിട്ടുണ്ട്. അതേസമയം സംഭവത്തിൽ കൽപനയുടെ ഭർത്താവ് പ്രസാദിനെ കെപിഎച്ച്ബി പോലീസ് ചോദ്യം ചെയ്തുവരികയാണ്.
