ബെവ്ക്യൂ ആപ്പ് കോവിഡ് കാലത്തെ മറ്റൊരു അഴിമതിയോ? സിപിഎം സഹയാത്രികര്ക്ക് ആപ്പ് നിര്മിക്കാന് അനുവാദം നല്കിയത് എന്തിന്റെ അടിസ്ഥാനത്തില്; ഗുരുതര ആരോപണവുമായി രമേശ് ചെന്നിത്തല
May 23, 2020തിരുവനന്തപുരം: ബെവ്ക്യൂ ആപ്പ് വഴി മദ്യവില്പ്പന നടത്തുന്നത് കോവിഡ് കാലത്തെ മറ്റൊരു അഴിമതിയാണെന്ന് പ്രതിപക്ഷനേതാവ് രമേശ് ചെന്നിത്തല. സിപിഎം സഹയാത്രികര്ക്ക് എന്തിന്റെ അടിസ്ഥാനത്തിലാണ് ആപ്പ് നിര്മിക്കാന് അനുവാദം നല്കിയതെന്നും രമേശ് ചെന്നിത്തല ചോദ്യമുന്നയിച്ചു. 10 ലക്ഷം രൂപ ചിലവില് നിര്മിച്ച ആപ്പിന് പ്രതിമാസം മൂന്നു കോടി രൂപ നല്കുന്നത് എന്തിനാണ്. ഒരു ടോക്കണിന് 50 പൈസ വച്ചു കമ്പനിക്കു നല്കുന്നത് എന്തിനാണ്. കമ്ബനിയെ തിരഞ്ഞെടുത്തത് എങ്ങനെയാണെന്ന് വ്യക്തമാക്കണം. ഉത്തരവ് റദ്ദാക്കണം. ഇതിനെക്കുറിച്ച് അന്വേഷിക്കാന് എക്സൈസ് മന്ത്രി അടിയന്തിരമായി ഇടപെടണം. ആപ്പ് നിര്മിക്കാനുള്ള ചുമതല ഐടി മിഷനെയോ സിഡിറ്റിനെയോ ഏല്പ്പിക്കണമെന്നും രമേശ് ചെന്നിത്തല വ്യക്തമാക്കി. മുഖ്യമന്ത്രിക്ക് വേണ്ടി പിആര് വര്ക്ക് ചെയ്യുന്ന രജിത് രാമചന്ദ്രന് എന്നയാള് സിറ്റഒ ആയുള്ള സ്റ്റാര്ട്ട്അപ്പിന് കരാര് നല്യതില് ക്രമക്കേട് ഉണ്ടെന്ന് നേരത്തേ ആരോപണമുയര്ന്നിരുന്നു.