നാലുമണി ചായക്കൊപ്പം കഴിക്കാം കിടിലന്‍ ചെമ്മീന്‍ വട

ചെമ്മീന്‍ വട ഒരു നാടന്‍ വിഭവമാണ്. കഴിക്കാന്‍ ഏറെ സ്വാദുള്ളതും ഉണ്ടാക്കാന്‍ ഒട്ടും പ്രയാസമില്ലാത്തതുമായ ഒന്നാണിത്.

ആവശ്യമായ ചേരുവകള്‍ :

ചെമ്മീന്‍ – 500 ഗ്രാം

ചുവന്നുള്ളി – 12 എണ്ണം ചതച്ചത്

ഇഞ്ചി – ചെറിയ കഷ്ണം ചതച്ചത്

വെളുത്തുള്ളി – 5 – 6 അല്ലി നാടന്‍

പച്ചമുളക് – 4 എണ്ണം എരിവുള്ളത്

ചതച്ചമുളക് – ഒരു ടീസ്പൂണ്‍

പെരുംജീരകം – 1/ 4 ടീസ്പൂണ്‍ ( മുഴുവനോടെ )

മഞ്ഞള്‍പൊടി – 1/ 4 ടീസ്പൂണ്‍

അരിപ്പൊടി – ഒരു ടേബിള്‍സ്പൂണ്‍ ( കുമിച്ചെടുക്കണ്ട )

ഉപ്പ് – ആവശ്യത്തിന്

വേപ്പില – ഒരു തണ്ട്

വെളിച്ചെണ്ണ – വറുക്കാന്‍ ആവശ്യത്തിന്

തയ്യാറാക്കുന്ന വിധം :

1 . ആദ്യം ചുവന്നുള്ളി , ഇഞ്ചി , വെളുത്തുള്ളി , പച്ചമുളക് , വേപ്പില , ചതച്ചമുളക് , പെരുംജീരകം , മഞ്ഞള്‍പൊടി , ഉപ്പ് എന്നിവ മിക്‌സിയുടെ ചെറിയ ജാറിലിട്ട് ചതച്ചെടുക്കുക .

2 . ഇതിലേക്ക് വൃത്തിയാക്കി വച്ച ചെമ്മീന്‍ ചെറിയ ലോട്ടുകളാക്കി ചേര്‍ത്ത് ഒന്ന് ചതച്ചെടുക്കുക . ഇത് മിക്‌സിയില്‍ നിന്ന് മാറ്റിയ ശേഷം ബാക്കിയുള്ളതും ഇങ്ങനെ ചതച്ചെടുക്കുക ( ചെമ്മീന്‍ മുഴുവനായി അരഞ്ഞു പോകരുത് ).

3 . ഈ മിക്‌സ് ഒരു ബൗളിലേക്ക് മാറ്റി ഒരു ടേബിള്‍സ്പൂണ്‍ അരിപ്പൊടിയും ചേര്‍ത്ത് കൈ കൊണ്ട് നന്നായി കുഴച്ച് യോജിപ്പിക്കുക . എരിവും ഉപ്പും കൂടുതല്‍ വേണമെങ്കില്‍ അല്പം കുരുമുളക്‌പൊടിയും ഉപ്പും ചേര്‍ത്ത് കൊടുക്കാം .

4 . ഒരു 30 മിനിറ്റ് ഫ്രിഡ്ജില്‍ മാരിനേറ്റ് ചെയ്തതിനു ശേഷം വെളിച്ചെണ്ണയില്‍ വറുത്ത് കോരുക .