മലപ്പുറത്തു വിവാഹ തലേന്ന് പിതാവ് മകളെ കുത്തി കൊന്നു

മലപ്പുറത്തു വിവാഹ തലേന്ന് പിതാവ് മകളെ കുത്തി കൊന്നു

March 22, 2018 0 By Editor

മലപ്പുറം: വിവാഹ തലേന്ന് പിതാവ് മകളെ കുത്തി കൊന്നു. അരീക്കോട് പത്തനാപുരം പൂവത്തിക്കണ്ടിയിലാണ് നാടിനെനടുക്കിയ സംഭവം. ആതിര രാജൻ (22) ആണ് അഛന്റെ കത്തിമുനയാൽ കൊല്ലപ്പെട്ടത്. വ്യാഴാഴ്ച വൈകിട്ട് നാലരയോടെയാണ് സംഭവം.ആതിര ഒരു യുവാവുമായി പ്രണയത്തിലായിരുന്നു. ഇത് പിതാവ് രാജന് ഇഷ്ടമില്ലായിരുന്നു. വെള്ളിയാഴ്ച ഇവരുടെ വിവാഹം അഛന്റെ സമ്മതത്തോടെ തന്നെ നിശ്ചയിച്ചിരുന്നു. എന്നാൽ അഛൻ വീണ്ടും അനിഷ്ടം പറയുകയും ഇതിനെ തുടർന്നുണ്ടായ വാക്ക് തർക്കം അവസാനം കൊലപാതകത്തിൽ കലാശിക്കുകയായിരുന്നു. തര്‍ക്കത്തിനിടെ ആതിര അടുത്ത വീട്ടിലേക്ക് ഓടിയെങ്കിലും പുറകയെത്തി കുത്തുകയായിരുന്നുവെന്നാണ് ദൃക്‌സാക്ഷികള്‍ പറയുന്നത്‌.സംഭവത്തിൽ പൂവത്തിക്കണ്ടി സ്വദേശി രാജൻ (42)നെ പൊലീസ് കസ്റ്റഡിയിലെടുത്തു. മൃതദേഹം മുക്കം കെ എം സി ടി ആശുപത്രിയിൽ പ്രവേശിപ്പിച്ചു.