മുത്തൂറ്റ് ശാഖയില് വന് മോഷണം; 55 കിലോ സ്വര്ണം കവര്ന്നു
November 24, 2019പട്ന: ബിഹാറിലെ വൈശാലി ജില്ലയിലെ ഹാജിപുര് മുത്തൂറ്റ് ഫിനാന്സ് ശാഖയില് വന് കവര്ച്ച. പകല്സമയത്ത് ആയുധധാരികളായ ആറ് കവര്ച്ചക്കാര് മാനേജറെ തോക്കുചൂണ്ടി ബന്ദിയാക്കി 55 കിലോ സ്വര്ണം കവര്ന്നു. 21 കോടിയിലേറെ രൂപ മൂല്യം വരുന്ന സ്വര്ണമാണ് കടത്തിയത്. ശനിയാഴ്ച ഉച്ചക്ക് 12.30ഓടെയാണ് സംഭവമെന്ന് പൊലീസ് സൂപ്രണ്ട് എം.കെ. ചൗധരി പറഞ്ഞു.
ആറോ ഏഴോ പേര് അടങ്ങുന്ന ആയുധധാരികളായ സംഘം ഹാജിപുര് മുത്തൂറ്റ് ശാഖയിലെത്തുകയും മാനേജറെ ഭീഷണിപ്പെടുത്തുകയുമായിരുന്നു. തുടര്ന്ന് ശാഖയിലുണ്ടായിരുന്ന 55 കിലോ സ്വര്ണവുമായി രക്ഷപ്പെടുകയായിരുന്നു. വിപണി വില അനുസരിച്ച് 21 കോടി രൂപയിലേറെ മൂല്യം വരുന്ന സ്വര്ണമാണ് കവര്ന്നതെന്നും പൊലീസ് സൂപ്രണ്ട് പറഞ്ഞു.