കണ്ടെയ്ന്മെന്റ് സോണിലെ റോഡുകള് മാത്രമേ അടയ്ക്കുകയുള്ളുവെന്നു മുഖ്യമന്ത്രി; ഞായറാഴ്ചയും പാഴ്സല് ലഭിക്കും
May 4, 2020തിരുവനന്തപുരം: റെഡ് സോണില് ആയാല് പോലും കണ്ടെയ്ന്മെന്റ് സോണ് അല്ലെങ്കില് റോഡുകള് അടച്ചിടില്ലെന്നു മുഖ്യമന്ത്രി പിണറായി വിജയന് അറിയിച്ചു. ഓറഞ്ച് സോണിലും ഈ നിര്ദേശങ്ങള് ബാധകമാണ്. നിയന്ത്രണങ്ങള്ക്കു വിധേയമായി ഇവിടെ വാഹനഗതാഗതം അനുവദിക്കും. പൊതുഗതാഗതം അനുവദിക്കില്ലെന്നും മുഖ്യമന്ത്രി വ്യക്തമാക്കി.
ലോക്ക്ഡൗണിന്റെ പശ്ചാത്തലത്തില് കടകള് തുറക്കുന്നതു സംബന്ധിച്ച് ചില ആശയക്കുഴപ്പങ്ങളുണ്ടെന്നും മുഖ്യമന്ത്രി പറഞ്ഞു.സംസ്ഥാനത്ത് കണ്ടെയ്ന്മെന്റ് സോണില് ഒഴികെ വര്ക്ക്ഷോപ്പുകള്ക്ക് പ്രവര്ത്തിക്കാന് അനുമതി നല്കിയിട്ടുണ്ട്. സര്ക്കാര് അനുവദിച്ച കടകള് തുറക്കാന് തദ്ദേശസ്വയംഭരണ സ്ഥാപനത്തിന്റെ പ്രത്യേക അനുമതി ആവശ്യമില്ല. ഞായറാഴ്ച സമ്പൂര്ണ അവധിയാണ്. എന്നാല് റംസാന്റെ പശ്ചാത്തലത്തില് ഭക്ഷണം പാഴ്സല് നല്കുന്ന കടകള്ക്ക് ഉച്ചയ്ക്കുശേഷം പ്രവര്ത്തിക്കാം.