രാജീവ് ഗാന്ധിയെ വധിച്ചതുപോലെ മോദിയെ വധിക്കാന്‍ പദ്ധതിയിട്ട് മാവോയിസ്റ്റുകള്‍

പൂണൈ: പ്രധാനമന്ത്രി നരേന്ദ്രമോദിയെ വധിക്കാന്‍ മാവോയിസ്റ്റുകള്‍ പദ്ധതി തയാറാക്കുന്നതായി പൂണെ പൊലീസ്. മുന്‍ പ്രധാനമന്ത്രി രാജീവ് ഗാന്ധിയെ വധിച്ചതിന് സമാനമായി മോദിയേയും ഇല്ലാതാക്കാനാണ് ശ്രമമെന്ന് പൊലീസ് കോടതിയില്‍ നല്‍കിയ റിപ്പോര്‍ട്ടില്‍ ചൂണ്ടിക്കാട്ടുന്നു. ഇതുസംബന്ധിച്ച ഒരു കത്ത് പിടിയിലായ ഒരു മാവോയിസ്റ്റ് നേതാവില്‍ നിന്ന് കണ്ടെടുത്തുവെന്നും പൊലീസ് അവകാശപ്പെടുന്നു.

സി.പി.ഐ മാവോയിസ്റ്റുമായി ബന്ധമുണ്ടെന്ന് ആരോപിക്കുന്ന നാല് പേര് കഴിഞ്ഞ ദിവസം പൊലീസ് പിടിയിലായിരുന്നു. ദളിത് ആക്ടിവിസ്റ്റ് സുധീര്‍ ധ്വാല, അഭിഭാഷകന്‍ സുരേന്ദ്ര ഗാണ്ഡിലിങ്, മഹേഷ് റൗട്ട്, സോമ സെന്‍, റോന വില്‍സണ്‍ തുടങ്ങിയവരാണ് പൊലീസ് പിടിയിലായത്. അറസ്റ്റിലായവര്‍ മാവോയിസ്റ്റുകളുടെ പ്രചാരണത്തിന്റെ മുഖ്യചുമതലക്കാരാണെന്നാണ് പൊലീസ് കണ്ടെത്തല്‍.

എം.4 വിഭാഗത്തിലുള്‍പ്പെടുന്ന തോക്ക് ഉപയോഗിച്ച് മോദിയെ വധിക്കാന്‍ ഇവര്‍ പദ്ധതി തയാറാക്കുന്നുവെന്നാണ് പൊലീസിന്റെ ആരോപണം. എല്‍.ടി.ടി.ഇയുടെ നേതൃത്വത്തില്‍ രാജീവ് ഗാന്ധിയെ വധിച്ചതിന് സമാനമായി മോദിയെ വധിക്കാനാണ് ഇവരുടെ പദ്ധതിയെന്നും പൊലീസ് പറയുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *