എൻ.ടി.പി.സി ലിമിറ്റഡിൽ എക്സിക്യൂട്ടിവ്: 50 ഒഴിവുകൾ
November 9, 2023
കേന്ദ്ര മേഖലയിലുള്ള ‘എൻ.ടി.പി.സി ലിമിറ്റഡ്’ കമ്പയിൻഡ് സൈക്കിൾ പവർപ്ലാന്റ്-ഒ ആൻഡ് എം. മേഖലയിൽ രണ്ടുവർഷത്തിൽ കുറയാതെ പ്രവൃത്തിപരിചയമുള്ള പ്രഫഷനലുകളെ എക്സിക്യൂട്ടിവായി തെരഞ്ഞെടുക്കുന്നു.
ഇലക്ട്രിക്കൽ/മെക്കാനിക്കൽ/ഇലക്ട്രോണിക്സ്/ഇൻസ്ട്രുമെന്റേഷൻ എൻജിനീയറിങ് ബിരുദക്കാർക്കാണ് അവസരം. ഓൺലൈനായി നവംബർ 10വരെ അപേക്ഷിക്കാം. പ്രായപരിധി 35. ഒ.ബി.സി/എസ്.സി/എസ്.ടി/PWBD/വിമുക്ത ഭടന്മാർ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്.
ആകെ ഒഴിവുകൾ 50 (ജനറൽ -22, EWS -5, ഒ.ബി.സി -11, SC -8, ST 4). അഞ്ചുവർഷത്തേക്കാണ് നിയമനം. പ്രതിമാസം 90,000 രൂപയാണ് ശമ്പളം. വിശദ വിവരങ്ങളടങ്ങിയ റിക്രൂട്ട്മെന്റ് വിജ്ഞാപനം https://careers.ntpc.co.inൽ ലഭിക്കും. അപേക്ഷാഫീസ് 300 രൂപ. SC/ST/PWBD/വിമുക്ത ഭടന്മാർ/വനിതകൾ എന്നീ വിഭാഗങ്ങളിൽപെടുന്നവർക്ക് ഫീസില്ല.
